Banat ( Leaderboard Top ), pagematch: 1, sectionmatch: 1

Guwardiya naunay sa iyang armas

CEBU, Philippines - Naangol ang security guard sa usa  ka mall nga nagbase sa Barangay Casuntingan sa Dakbayan sa Mandaue human kini maunay sa iyang armas nga aksidenteng mibuto dihang natagak dihang iyang gisirad-an ang roll-up door.

Giila ni PO2 Oliver Gipanao sa Presinto 4 sa Mandaue City Police Office ang biktima nga si Marlou Mahinay, 21 anyos, ulitawo, taga Negros Oriental ug temporaryong nagpuyo sa Purok Tambis sa Brgy  Casuntingan.

Matud ni PO2 Gipanao nga sa pagbira sa guwardiya sa roll-up door sa gibantayan niining mall, wala kini makabantay nga nahagbong ang gitakin niyang armas nga kalibre 38 diin mibuto kini ug naigo ang iyang tiil.

Ang biktima nga nagkadugo ang tiil, gidala sa tambalanan sa iyang mga kauban ug padayong giatiman ug giingong luwas na kini sa kuyaw nga kahimtang. (BANAT NEWS)

  • Follow Us: