Relocation sa nasunugan sa Apas gisabutan
CEBU, Philippines - Gisabutan sa mga opisyal sa Kapitolyo, Dakbayan sa Sugbo ug Barangay Apas ang relocation site sa mga biktima sa sunog sa Sitio CRCI diin 70 ka balay ang naugdaw.
Ang Kapitolyo ang tag-iya sa luna nga nasunugan hinungdan nga si Gobernador Hilario Davide III nitanyag og luna sa Barangay Kalunasan nga mahimong relocation site. Apan ang mga may kabilinggan sa panglawas ang buot nga mobalik pagpuyo sa lugar.
Matud ni Davide nga ila tan-awon ang sitwasyon ug ikonsiderar ang hangyo sa mga dunay kabilinggan.
Ang maong lugar sa Sitio CRCI gitagana kini sa mga buta apan gisagulan sa pagpuyo sa mga informal settlers.
Niabot sa 1,000 ka tawo ang nawagtangan og pinuy-anan lakip na ang 50 ka mga buta samtang usa ang patay ug laing usa ang naangol atol sa sunog. (BANAT NEWS)
- Latest
