Ferry transport system plano sa developer

CEBU, Philippines - Nagtinguha ang developer sa waterfont project sa Dakbayan sa Mandaue sa pagpadagan sa transport system nga alternatibong kasakyan sa mga pasahero tabok sa Dakbayan sa Lapu-Lapu.

Ang presidente sa Taft Property Venture Development Corp., Christopher Narciso, niingon nga ang Mandani Bay sa North Reclamation Area sa Dakbayan Mandaue makahimo kaayo sa pagpadagan og  ferry transport system.

“We have been coordinating with the government regarding provisions for a marina along our waterfront, a ferry transport to traverse Mactan Island to Cebu,” nagkanayon si Narciso.

Nasayran nga ang duha ka dakbayan mao karon ang nag-unang dapit sa Metro Cebu nga nakasinati gyud og grabeng huot sa mga sakyanan nga maoy hinungdan nga malangan sila sa pagsulod sa trabaho.

Napuno sa mga bagulbol ang  mga pasahero sa maong duha ka dakbayan tungod sa nasinati usab nila nga kalangan sa ilang pagbiyahe. (BANAT NEWS)