Bibingka sa Comprehensive labi’ng lami
CEBU, Philippines – Nidaug ang bibingka nga niluto sa mga tinun-an sa Mandaue City Comprehensive National High School sa Bibingkahan sa dakbayan sa Mandaue isip kabahin sa ika-46 nga Charter Day Anniversary kagahapon.
Nunot sa mao’ng kadaugan, naangkon ang P2,000 nga ganti alang sa mga tinun-an ug laing P2,000 sa ila’ng coach. Gawas sa itlog, may gisagol nga lubi nga nakadugang sa kalami sa bibingka nga naila sa dakbayan sa Mandaue.
Ang Cabancalan National High School nga nagluto og bibingka nga gisagulan og itlog mao ang ikaduha ug nadawat ang P1,500 alang sa mga tinun-an ug laing P1,500 sa coach ug ikatulo ang Tabok National High School ug P1,000 ang ganti nga nadawat.
Ang bibingka nga giluto sa mga tinun-an dali usab kaayo’ng nahurot dihang gihugopan sa pagpamalit sa mga tawo diha’ng gi-display sa Parkmall. – /GMR) (BANAT NEWS)
- Latest
