Debriefing sa mga biktima sa ambush

CEBU, Philippines - Gipahibawo sa Department of Social Welfare and Development (DSWD-7) nga andam silang mohatag og psychological intervention sa negosyante ug anak nga gibanhigan niadtong Lunes sa buntag.

Matud sa Regional Information Officer sa DSWD-7, Leah Quintana, nga samtang wala pa makagawas ang bata sa tambalanan dili una sila manghilabot sa kapolisan.

Paaboton nila nga maayo ang samad sa bata human nga apil nga naigo sa pagpamusil sa mga suspek nga gitumong unta ngadto sa iyang amahan nga usa ka negosyante.

Matud ni Quintana nga tabangan gyud nila ang bata kay sigurado silang na-trauma kini sa hitabo ug apil usab nilang ipaubos sa stress debriefing ang pamilya sa biktima.

Ang DSWD-7 makig-alayon sa Department of Social Welfare and Services sa kagamhanan sa dakbayan sa Sugbo

Sa pagkakaron padayon pa ang imbestigasyon sa kapolisan labot sa maong insidente diin tulo ka mga anggulo sa krimen ang gisubay karon sa mga awtoridad. (BANAT NEWS)