Manipis Road Sirad-an

CEBU, Philippines - Giawhag sa Department of Environment and Natural Resources ang DPWH nga sirad-an ang karsada sa Manipis, Talisay kon mobunok ang kusog nga uwan aron malikayan ang disgrasya sa mga motorista kon modahili ang  yuta.

Sumala pa ni DENR-7 Regional Executive Director Isabelo Montejo nga dili g’yud luwas nga agian ang maong karsada panahon sa ting-uwan kay sigon sa Mines and Geosciences Bureau (MGB) dali kaayo mohumok ang yuta sa Manipis mao nga modahili ang yuta ngadto sa karsada.

Gipabakwit na gani sa mga opisyal ang siyam ka pamilya aron malikay kini sa peligro. (BANAT NEWS)