Top-rated Reps, Mayors, Govs sa Pinas inilabas
MANILA, Philippines — Inilabas ng RP-Mission and Development Foundation Inc. (RPMD) ang listahan ng mga nangungunang kinatawan, alkalde at gobernador sa bansa batay sa nationwide independent survey na “Boses ng Bayan” Index of Governance (IOG), na pinagsamang trust (t) at performance (p) ratings.
Sa hanay ng mga kinatawan, nanguna si Sandro Marcos ng Ilocos Norte na may 89.43% IOG. Kasunod sina Bojie Dy ng Isabela (88.99%) at Toby Tiangco ng Navotas (88.70%); Kristine Singson ng Ilocos Sur (88.31%); Midy Cua (Quirino), 88.08%; Miro Quimbo (Marikina), 87.71% (t87.52/p87.91); at Lolypop Ouano-Dizon (Mandaue), 87.34%. Ikatlo sina Jam-Jam Baronda (Iloilo), 86.99%; David Suarez (Quezon), 86.75%; at Oca Malapitan (Caloocan), 86.47%.
Sa mga alkalde, nanguna si Joy Belmonte ng Quezon City na may 88.73% IOG; Eric Singson (Candon), 88.45%; Leni Robredo (Naga), 88.08%; Jeannie Sandoval (Malabon), 88.02%; at John Rey Tiangco (Navotas), 87.78%.
Kasunod sina Wes Gatchalian (Valenzuela), 87.15%; Along Malapitan (Caloocan), 87.01%; Jonkie Ouano (Mandaue), 86.84%; Samsam Gullas (Talisay), 86.63%; Vico Sotto (Pasig), 86.37%; Emi Calixto-Rubiano (Pasay), 86.34%; at Chiquiting Sagarbarria (Dumaguete), 86.27%.
Sa Governors, nanguna sina Dax Cua (Quirino), 86.51%; LRay Villafuerte (Camarines Sur), 86.34%; at Toto Defensor (Iloilo), 86.20%. Sumunod sina Ann Hofer (Zamboanga Sibugay), 85.39%; Cecille Marcos (Ilocos Norte), 85.23%; Ann Tan (Samar), 84.89%; at Lilia Pineda (Pampanga), 84.41%.
Ayon kay RPMD Executive Director at global affairs analyst Dr. Paul Martinez, paunang listahan pa lamang ito at may kasunod pang mga pangalan. Ipinaliwanag niyang kailangang mataas muna ang regional trust at performance ratings bago makapasok sa national reassessment.
Isinagawa ang survey noong Abril 1–8, 2026 sa 5,000 random respondents bawat rehiyon.
- Latest
