VP Sara miadto sa Senado apan wa motambong sa hearing

CEBU, Philippines — Si Bise Presidente Sara Duterte midangat sa Senado sa ikaduhang adlaw sa iyang impeachment trial kagahapon, Hulyo 7, apan dili aron motambong sa impeachment proceedings kundili aron makigtagbo sa iyang mga abogado.

Atubangan sa mga reporters, si Duterte mipadangat sa iyang mubo nga mensahe nga nag-ingon “In this bloodbath and bludgeoning, I will be bloodied but unbowed,” apan nagdumili siya sa pagtubag og mga pangutana ug mibiya ra dayon sa press conference area.

Una niini sa unang adlaw sa impeachment trial niadtong Hulyo 6, si Duterte, kinsa miingon nga andam na siya sa iyang gitawag og “bloodbath,” apan wala moatubang sa impeachment court. Siya gi-representahan sa iyang mga abogado nga gipangluhan ni Atty.  Shiela Sison.

Suma pa ni impeachment spokesperson Reginald Tongol nga wala kinahanglana nga motambong ang bise presidente sa impeachment court tungod kay gi-representahan na kini sa iyang mga abogado.

Ang house impeachment prosecutors miingon usab nga wa sila nagpaabot nga motambong si Duterte sa hearing apan gidasig nila kini nga moatubang sa kaso batok niya. Sa unang 11 ka adlaw sa impeachment trial, ang kaso kabahin sa grave threats, nga giingong giluwatan ni Duterte niadtong Nobiyembre 2024 maoy unang tukion sa prosekusyon.

Gipasabot ni Atty. Benjamin Tolosa, legal spokesperson sa prosecution team, nga mao kini ang mas dili komplikado nga hisgutanan tungod kay dili na sila kinahanglan mopresentar og daghang mga saksi. Gikan sa Philstar/MEL   BANAT NEWS