Paglaom sa nasud

CEBU, Philippines — Gipahimagnoan sa award-winning actor nga si John Arcilla ang  kabatan-onan, ilabi na  sa Millennials ug Gen Z, nga damgohon ug paningkamotan ang usa ka Pilipinas nga layo sa  korapsyon. Sa iyang Facebook post sa niaging adlaw , gibutyag sa aktor nga adunay katungod ang matag Pinoy  nga mokuwestiyon sa mga korap nga opisyal sa gobyerno. Dugang pa niya nga naa sa mga kamot sa Millennials ug Gen Z ang pagdala sa tinuod nga kausaban sa nasud pinaagi sa saktong  pagpili og  mga lider nga adunay integridad ug tinuod nga tinguha sa pag-alagad sa katawhan.

IU ug Lee Jong  nagbulag!

Nagbulag na ang South Korean celebrity couple nga sila IU ug Lee Jong Suk human sa upat ka tuig nilang relasyon. Magpabilin ang maayo nila pagtinadanay  isip  kauban sa industriya.

Kahinumdoman nga gikumpirmar sa duha ang ilang relasyon  niadtong 2022.

Joy dili makigrelasyon sa  18 anyos

Gibutyag sa beauty queen nga si  Joy Barcoma nga kun dunay mangulitawo kaniya nga 18 anyos , dili gyud niya sugton.

Sa guesting niya sa programa nga “Fast Talk with Boy Abunda”, nahisgotan ang kabahin sa pagpakigrelasyon sa mas batan-ong lalaki. Kahinumdoman nga niulbo ang maong diskusyon taliwala sa nag-init nga isyu kabahin sa giingong relasyon sa courtside reporter nga si Apple David ug sa 18-anyos nga basketball player nga si  Chad Gammad.

Suma pa ni Joy, kun  adunay 18-anyos nga mangulitawo kaniya, dili niya kini uyabon, apan himoon  niya kini nga scholar tungod kay segurado siya nga nag-eskwela pa ang  maong pangidaron.