One Piece, bibitbitin sa SE Asia!

MANILA, Philippines — Dadalhin ng Crunchyroll ang kumpletong catalog ng One Piece sa fans sa buong Southeast Asia, na may 746-episode series na ilalabas sa dalawang batches.

Ang first batch, na nagtatampok sa Episodes 1–325 ay available na, habang ang Episodes 326–746 ay nakatakdang dumating sa Oct. 25.

Ang series ay sinusundan ang kwento nina Monkey D. Luffy at Straw Hat Crew sa kanilang paglalakbay sa buong Grand Line, na nagtatampok sa iconic adventures, ‘di malilimutang mga karakter at story arcs.

Hindi papayagan ni Monkey D. Luffy na maharang ng sinuman ang kanyang hangarin na maging hari ng lahat ng mga pirata. Sa daang tinatahak niya sa mapanganib na karagatan ng Grand Line, isa siyang kapitan na hindi kailanman susuko hangga’t hindi niya nakakamit ang pinakadakilang kayamanan sa mundo: ang legendary One Piece.