Nag-abot alang sa content

CEBU, Philippines — Nagkita pag-usab atubangan sa camera ang aktres ug content creator nga si Bea Borres ug iyang ex-boyfriend nga si Meray Yamada alang sa usa ka online content. Sa YouTube vlog nga “Hot Moms Bake with Jam Magno,” gipakita  ni Bea ang mubo nga video clip diin iyang gipatilaw si  Meray sa hinimo niya nga cake.Suma pa ni Bea, gituyo  niyang ilakip  si Meray sa vlog aron madugangan ang online engagement ug mokita siya niini.Aduna na’y anak sila Bea ug  Meray nga ginganlan og Hope .

Mitimbaya sa SB19 ug BINI

Gipasidunggan ni Negros Occidental 3rd District Rep. Javier Benitez ang Pinoy talents  sa global stage, lakip na ang P-pop groups nga BINI ug SB19. Gihimo ni Benitez ang pagdayeg atol sa iyang pakigpulong sa mga kawani sa House of Representatives sa niaging adlaw, isip kabahin sa pagtimaan sa Philippine Creative Industries Month. Giawhag  usab sa magbabalaod ang mga personnel sa Kamara nga suportahan ang lokal nga musika.

Na-feel na ang pagka-tigulang

Miangkon ang OPM singer  nga si Jed Madela nga nabantayan na niya ang kakapoy samtang nag-perform sa entablado tungod sa iyang pagkatigulang. Matud niya, naningkamot siya karon nga maminusan ang timbang ug mahimong mas aktibo aron mapadayon ang iyang kusog sa pag-perform.