International projects

CEBU, Philippines — Nakigpartner ang  SB19 sa   United Talent Agency (UTA) alang sa umaabot nila nga international projects .  Giila sa maong talent agency ang dakong kalamposan sa SB19  sa international music scene.

Magabaan ra

Gipasidan-an ni  Matet de Leon ang iyang bashers nga duna ra'y gaba. Wala mahimout ang aktres sa ubang tawo nga nisawsaw sa isyu sa ilang pamilya nga gikatahong nagkabikil.

Bodjie gikalagotan sa viewers

Gipabilib ni Bodjie Pascua ang viewers sa seryeng  Blood vs Duty pinaagi sa maayo niya nga pagdala isip   kontrabidang retired general nga si Manuel Carillo nga giingong utok sa plano sa pagdestabilisar sa gobyerno. Epektibo ang iyang pagdala isip kontrabida gumikan kay daghan ang naglagot kaniya . 

“Gabi ng Lagim The Movie”, makita na sa Prime Video

Makita na ang  “KMJS’ Gabi ng Lagim The Movie” sa  Prime Video sugod karong adlawa , Hunyo 26.

Giprodyus kini sa GMA Pictures ug GMA Public Affairs, ug ang maong pelikula naglangkob sa tulo ka makahahadlok nga istorya nga gibase  sa tinuod nga mga hitabo.

Gibidahan  kini nila Jillian Ward, Sanya Lopez, Elijah Canlas, ug Miguel Tanfelix, uban sa presentasyon ni Jessica Soho. 

Bianca isip Ella Arcangel

Malipayon ug mapasalamaton ang Kapuso actress nga si Bianca Umali human siya napili nga modala sa  tingog sa karakter ni  Ella Arcangel sa umaabot nga animated film sa GMA Pictures nga Ella Arcangel: Awit ng Pangil at Kuko.

Opisyal nga gipaila si Bianca isip voice actress sa pelikula atol sa Toy Conference 2026.

Gikalipay niya nga mahimong kabahin sa maong proyekto tungod kay dugay na niyang gihandom nga makahatag og tingog sa usa ka animated character .