Ikaupat nga semana
CEBU,Philippines — "Tayo Sa Wakas”, naka- P110M na!
Nagmalampuson sa takilya ang pelikulang “Tayo Sa Wakas” human kini mikita na og kapin sa P110 million.
Ang maong pelikula usab maoy labing dako nga proyekto sa mag-tandem nga Belle Mariano ug Donny Pangilinan, nga kaniadto nag-uban sa mga pelikulang “Love Is Color Blind” ug “An Inconvenient Love.”
Naa na kini sa ikaupat nga semana nga pagpasalida sa mga sinehan sa Pilipinas. Gipasalida usab kini sa Canada, Guam, Australia, New Zealand, ug sa nagkadaiyang dapit sa Middle East.
Sugod karong adlawa, Hunyo 21, ipasalida usab ang maong pelikula sa Hong Kong, nga pagasundan sa Singapore ug Malaysia karong Hunyo 25. Nauna na usab kini nga gipasalida sa Taiwan ug gipaabot nga moabot kini sa Macau sa umaabot nga mga adlaw.
- Latest
