Anak ni Dennis, nadisgrasya

CEBU, Philippines — Mipaambit si Dennis Trillo sa nahitabo nga aksidente sa sakyanan sa iyang anak nga si Calix Andreas, alas-5 sa buntag sa niaging adlaw. Gikatahong  nakatulog ang iyang anak samtang nagmaneho  ug nawad-an kini og kontrol sa sakyanan sa wala  pa kini mituyok pag-ayo. Nakabaton si  Calix  og mga bun-og sa ulo ug bukton, ingon man paghubag sa iyang wala nga kamot.

Lig-ong relasyon

Gibutyag ni Coco Martin nga ang pagkapribado sa ilang relasyon ni Julia Montes maoy rason nganong nagpabiling lig-on ilang relasyon sulod sa usa ka dekada. Dugang pa niya nga ilang giisip ang usa'g usa isip usa ka “team” nga nagtinabangay ug nagsuportahay sa matag aspeto sa ilang kinabuhi.. — Grezy Mie Sibay, CNU-Main, Journalism Intern

Alexa ug Xyriel, mag-uban sa “Miss Behave”

Mogawas ang pagkaisog nila Alexa Ilacad ug Xyriel Manabat sa bag-ong iWant Original series nga “Miss Behave” nga magsugod karong Hunyo 3 sa iWant.

Kauban nila sa maong serye sila Reign Parani, Andi Abaya, ug Rans Rifol nga modala isip mga science high school students nga magsagobang  og  dakong kontrobersiya human ma-leak ang ilang pribadong mga hulagway sulod sa eskwelahan.

Tungod sa insidente, nasuspenso ang mga estudyante ug nalambigit sa dakong kaulawan. Apan bisan pa niini, naghiusa ang maong grupo aron pangitaon ug mapahunong ang responsable sa pagpakatag sa ilang eskandalosong mga litrato.

Gihulagway ang “Miss Behave” isip usa ka serye nga naghisgot sa sensitibong isyu sa online privacy ug epekto sa social media sa kabatan-onan karong panahona.

Ang maong serye kay nagikan sa nagmugna sa iWant Original nga “Love at First Spike” ug ubos kini  sa direksyon  ni Ivan Andrew Payawal. Apil usab sa cast sila JC Alcantara, Akira Morishita, Raven Rigor, Zach Castañeda, LA Santos, ug Zach Guerrero.