Soobin nag-enjoy sa Cebu
CEBU, Philippines — Nibakasyon dinhi sa Sugbo dili pa lang dugay ang TXT leader nga si Soobin. Sa iyang Instagram account , gipaambit niya ang mga hulagway kun diin makita nga nag-enjoy siya og maayo sa pagbakasyon niya sa Cebu .
“Fun trip to Cebu,” caption ni Soobin sa maong mga hulagway .
The Master Cutter nag-una sa Netflix
Gisugdan na ang pagpasalida sa Kapuso series nga The Master Cutter sa Netflix . Ang maong serye kay gibidahan sa aktor nga si Dingdong Dantes .
Nalakip usab niini sila Max Collins, Jo Berry, Paolo Contis, Sienna Stevens, Shuvee Etrata, Charlie Fleming, ug Prince
Ang The Master Cutter kay kasamtangang nag-No.1 sa Top 10 TV Shows sa Netflix Philippines.
Nakasulod usab sa Top 10 ang Kapatid romantic series nila Enrique Gil ug Andrea Brillantes nga A Secret in Prague .
National titles nila Apriel ug Nicole gianunsyo na !
Nagpadayon sa paghatag og dungog ang mga Cebuana sa natad sa indigay human kini nakalangkat og national titles atol sa Miss Philippines 2026 Coronation Ball nga gihimo niadtong Domingo sa gabii.
Si Apriel Smith nga nagrepresentar sa Dakbayan sa Sugbo, gikoronahan isip Miss Charm Philippines 2026, samtang si Nicole Borromeo sa Probinsya sa Sugbo nahimong unang nakadaog sa bag-ong titulo nga Miss Worldwide Philippines 2026.
Kahinumdoman nga ang duha ka Cebuana nakasulod sa Top 7 sa Miss Universe Philippines 2026 atol sa koronasyon sa no niaging semana .
Gawas sa mga Cebuana nga nakadaog , gikoronahan usab si Marian Arellano sa Tarlac isip Miss Tourism World 2026, Allyson Hetland sa Pampanga isip Miss Supranational Philippines 2027, Jen Rose Javier sa Sultan Kudarat isip Miss Eco International Philippines 2027, ug Bella Ysmael sa Taguig isip Miss Cosmo Philippines 2026.
Gihimo usab sa organisasyon ang pagpili sa duha ka teen queens diin si Trexy Roxas sa Iligan City gikoronahan nga Miss Eco Teen Philippines 2026, samtang si Catherine Wardle sa Samar Island maoy nakadaog sa titulo nga Miss Teen Universe 2026.
- Latest
