Reunion project

CEBU, Philippines — Nahatagan na gyud og katumanan ang pangandoy ni  JM de Guzman nga makatrabaho niya  og balik ang aktres nga si Shaina Magdayao. Makauban niya ang aktres sa serye nga  “My Bespren Emman” nga makita sa TV5 sugod karong  Abril 27.  Una na nga nagkauban kaniadto sila JM ug Shaina sa  “Ang TV 2” sa ABS-CBN ug mga bata pa sila niadtong higayona .

Nalingaw sa iyang pagka kontrabida

Andam modawat si Diego Loyzaga og dugang kontrabida role alang sa sunod niya nga proyekto . Kahinumdoman nga nataypan sa viewers ang iyang pagka-kontrabida sa naghinapos na nga serye nga Toto Bato nga  gibidahan ni Kiko Estrada.  Aminado si Diego nga nag-enjoy siya sa  maong role .

Kasong cyber libel

Nipasaka ang asawa ni Alfred Vargas nga si Yasmine Vargas  og  20 counts nga  cyber libel batok kang  Juvelle Bacosa, partner sa aktor nga si Rob Sy, sa  Quezon City Hall of Justice niadtong Lunes. Suma pa ni Yasmine nga kanunay nag-post si   Juvelle sa social media og makadaot nga content batok kaniya ug sa iyang pamilya . Nagsugod kini sa dihang gipasakaan nila og reklamo ang magtiayong Juvelle ug Rob gumikan sa pag-bully sa anak niini ngadto sa ilang  anak .