Bea ug Wilbert sa Pee Mak

CEBU, Philippines — Sila  Bea Binene ug  Wilbert Ross ang mga bida  sa Philippine adaptation sa  Pee Mak. Usa kini ka  blockbuster Thai supernatural horror comedy romance movie nga gibidahan kaniadto sa  Thai actor nga si Mario Maurer.  Ang Pee Mak maoy kasamtangang  highest-grossing film of all time sa Thailand .

Slater mitingog na

Human sa taod-taod nga pagpakahilom , nitingog na si Slater Young kalabot sa giatubang niya nga isyu. Suma pa ni Slater nga dili tinoud ang espekulasyon nga nakatampo ang Monterrazas sa problema sa baha sa kasilinganan nga lugar niini.“The science does not just say we did not cause the flooding. It says that the systems we have built in place help reduce it.This is not our conclusion. It is theirs. And this study is public and anyone who wishes to go through it is free to do so," suma pa ni Slater .

Gipili sa direktor

Si Direk  Irene Villamor mismo maoy nagpili ni Jodi Sta. Maria aron mahimong kabahin sa pelikula niya nga  'Midnight Girls' Nalakip usab sa maong pelikula sila  Loisa Andalio, Jane Oineza, ug Sanya Lopez —Sanden J. Anadia

Maki nauyonan sa mga  taga Jakarta

Nagtapok  ang Gen Z tastemakers, top creators, ug loyal “Zushis” (ngalan sa fanbase ni Maki) sa Rumah Kenangan Senopati didto sa Jakarta , Indonesia alang sa usa ka eksklusibong listening party, uban sa pakigtambayayong sa Kopi Kenangan.

Napuno sa musika, fandom, ug koneksyon tali sa Pilipinas ug Indonesia ang maong kalihokan. Samtang gipatukar ang hit  Tagalog songs ni Maki uban sa mga music video nga adunay Bahasa subtitles, mas nilalom ang  gibati sa mga taga-Jakarta alang sa emosyon sa matag liriko.

Usa sa  mga highlight sa maong kalihokan  mao ang kalit nga live Zoom appearance ni Maki, diin  nakig-uban siya sa iyang  fans, mipaambit sa iyang musical journey, ug nasinati ang mainiton nga reaksyon sa iyang Indonesian supporters nga suweto sa iyang mga kanta. Gihisgutan usab niya ang pipila sa iyang labing popular nga mga awit nga  sama sa “Kailan,” “Dilaw,” “Turning Green,” “Indigo (with u),” ug “Kahel na Langit,” nga mas nakapadugang sa kahinam alang sa iyang umaabot nga concert.

Gikan sa malumo nga alt-pop hangtod sa mga awit nga  puno sa emosyon, padayon nga nagsumpay sa lain-laing kultura ang musika ni Maki ug posible nga ang Jakarta mahimong  ikaduha niya nga panimalay.