Kyline motabang sa drivers
CEBU, Philippines — Nagplano si Kyline Alcantara nga moumol og outreach program alang sa jeepney drivers ilabi na karon nga nagkataas ang presyo sa gasolina. Doul kaayo sa iyang kasingkasing ang maong sektor sanglit kanhi jeepney driver sa Bicol ang iyang apohan.
Asawa ang unahon
Bukas gihapon si Piolo Pascual nga madugangan ang iyang anak . Apan gitataw sa aktor nga kinahanglan nga makabaton una siya og asawa. Sa pagka-karon, nakatutok si Piolo sa iyang showbiz career
Gitabangan ang mga negosyante
Nitabang si Neri Naig sa pag-promote sa mga produkto sa susama niya nga mga negosyante . Nag-atubang karon og krisis ang nasud busa gitingoha sa aktres nga makatabang siya sa iyang isigkatawo .
Sofi Fermazi, recording artist na!
Opisyal na nga misulod sa recording industry ang singer-songwriter nga si Sofi Fermazi human niya gilusad ang iyang debut mini album nga “u4me” ubos sa Star Music.
Sa iyang Facebook post, gipadayag ni Sofi ang dako niyang kalipay sa maong milestone.
“I honestly can’t explain the happiness in my heart right now. This moment feels surreal. From dreaming about it to finally living it, it’s all worth it,”suma pa niya.
Gilangkoban kini og unom ka orihinal nga awit nga iyang gisulat , ang “beep,” “dito,” “di na bale,” “u 4 me,” “placeswherewehug,” ug “candy.” Nagsilbing producers sa proyekto sila ALAS, Hans Jason Canteras, ug Lian Kyla.
Ang key track niini kay ang “beep,” nga naghulagway sa kusog nga pagbati sa kasingkasing sa dihang mahulog sa gugma ug sa kilig nga dala niini.
Sa wala pa ang iyang recording debut, nailhan si Sofi pinaagi sa iyang viral song covers sa mga awit nila Adele, Taylor Swift, Olivia Rodrigo, Sharon Cuneta, ug Ben&Ben.
Nakapahimulos usab si Sofi sa exposure sa telebisyon isip partisipante sa segment nga “Expecially For You” sa It’s Showtime sa niaging tuig.
Ang mga unod sa maong mini album kay madungog sa nagkalain-laing digital streaming platforms.
- Latest
