Joseph nanalipod kang Sandara

CEBU, Philippines — Gipanalipdan ni Joseph Bitangcol ang ex-girlfriend niya nga si Sandara Park kalabot sa  kontrobersiyal nga “drug scandal”.

Kahinumdoman nga si  Park Bom maoy ugat sa maong isyu .

Una na nga gihimakak ni Sandara ang maong alegasyon.

Si Sandara ug Park Bom parehong miyembro sa K-pop girl group nga 2NE1.

Suma pa ni Joseph , wala sa personalidad ni Sandara sa paggamit og ilegal nga droga ug iyang gipadayag ang iyang 100% nga lig-on nga pagsalig nga dili kini buhaton sa iyang kanhi hinigugma.

Aprobado sa ginikanan

Dako ang pag-uyon sa magtiayong Carmina Villaroel ug  Zoren Legaspi ngadto sa Kapuso actress nga si  Ashley Ortega isip  girlfriend sa anak nila nga si Mavy.  Suma pa sa magtiayon , nakita nila nga malipayon gyud ang ilang anak .

"Mahal na mahal kita!"

Gipakilig sa  Primetime King nga si Coco Martin  ang iyang fans human gipabuhagay niya og maayo  ang iyang dakong paghigugma ngadto sa iyang uyab nga si Julia Montes kinsa bag-ohay lang nagsaulog sa iyang 31st birthday .“Ikaw ang inspirasyon ko sa araw-araw. Napakapalad ko dahil ibinigay ka sa akin ng Diyos. Mahal na mahal kita!,"  suma pa ni Coco.

Nangandam usa ka tuig

Gisurpresa  ni Dingdong Avanzado ang iyang asawa nga si  Jessa Zaragoza atol sa kasaulogan sa ilang  25th wedding anniversary.  Suma pa ni Dingdong nga usa ka tuig niya nga gipangandaman ang iyang surpresang  renewal of vows. Gipaneguro gyud niya nga dili siya maboking  busa dako ang iyang pasalamat nga  nagmalamposon gyud ang iyang plano .

Chuck  Norris mipanaw

Mipanaw na ang  Hollywood action star nga si Chuck Norris sa edad nga 86 . Ang iyang pamilya maoy nag-anunsyo niini naidtong  Marso 20 sa gabii pinaagi sa Facebook page sa aktor .

" While we would like to keep the circumstances private, please know that he was surrounded by his family and was at peace,” suma pa sa iyang pamilya. Gawas sa iyang  pagka-artista, nailhan usab si Chuck  isip usa ka legendary martial artist. “To the world, he was a martial artist, actor, and a symbol of strength. To us, he was a devoted husband, a loving father and grandfather, an incredible brother, and the heart of our family,” dugang mensahe sa pamilya sa aktor .

Suspek sa pagpatay kang Lullete , gipasakaan na og kaso

Nailhan na sa kapolisan  ang mga suspek sa  pagpatay kang  Miss Philippines Earth 2013 runner-up Lullete Jane Ramilo de Guzman. Sa taho nga gi-release sa  Police Regional Office 2 sa  Cagayan, gipasakaan na og kasong murder  ang usa  sa mga suspek.

Ang  suspect kay giila  sa alias nga "JayR." nga gipaubos na karon sa  preliminary investigation." Luyo sa maong kalamboan , wala kaayo mahimout ang bana ni Lullete  nga si  Dr. Clifford dela Cruz.

Matud pa niya nga hagbay ra siya nasayod sa mga suspek  apan ang problema kay ang kahinay sa pagkab-ot sa mga dokumento gumikan sa protocols. Kahinumdoman nga gipusil-patay si Lullete niadtong  Pebrero 13, 2026. Naa sulod sa sakyanan si Lullete sa dihang nahitabo ang pagpatay kaniya didto sa  Brgy. Cabaritan, San Manuel, Isabela.

Chuck  Norris mipanaw

Mipanaw na ang  Hollywood action star nga si Chuck Norris sa edad nga 86 . Ang iyang pamilya maoy nag-anunsyo niini naidtong  Marso 20 sa gabii pinaagi sa Facebook page sa aktor .

" While we would like to keep the circumstances private, please know that he was surrounded by his family and was at peace,” suma pa sa iyang pamilya. Gawas sa iyang  pagka-artista, nailhan usab si Chuck  isip usa ka legendary martial artist. “To the world, he was a martial artist, actor, and a symbol of strength. To us, he was a devoted husband, a loving father and grandfather, an incredible brother, and the heart of our family,” dugang mensahe sa pamilya sa aktor.