Andres, malaki ang improvement!

Sayang, hindi namin nakausap si Herbert Bautista sa Gala Night ng Bagets The Musical. Hindi tuloy namin natanong kung totoong binabalikan niya si Ruffa Gutierrez kahit wala naman silang inamin officially na naging sila at nag-split na nga diumano.

Anyway, mas maraming ‘bagets’ noong Gala Night ng Bagets The Musical last Thursday night sa Newport Performing Arts Theater.

Bukod kay Herbert, nanood din ang mga OG na sina Eula Valdes, Raymond Lauchengco and Yayo Aguila (nanood na si Yayo nung opening night).

Nasa audience rin si Maki and SB19 Justin (upang suportahan ang kapwa Alamat na si Tomas Rodriguez), Angeli Pangilinan, Joji Dingcon, Nadia Montenegro, Arlene Muhlach at marami pang iba.

Dumalo rin that night sina Viva Big Boss Vic del Rosario and PhilStar Media Group President and CEO Sir Miguel Belmonte.

Samantala, si KD Estrada ay may pinatunayan dito sa Bagets The Musical na mapapanood pa hanggang March sa Newport Performing Arts Theater.

Pinangungunahan din ito nina Jeff Moses at Sam Shoaf sa papel ni Topee, ang martial arts ace at athletic heartthrob na orihinal na ginampanan ni JC Bonnin.

Sina Migo Valid at Milo Cruz ang bilang si Tonton, ang daredevil ng barkada na unang binigyang-buhay ni William Martinez habang sina Noel Comia Jr. at Tomas Rodriguez ang gumaganap bilang si Gilbert, ang class clown na ginampanan ni Herbert Bautista.

Sina KD Estrada at Ethan David ang gumaganap bilang si Arnel, ang conyo boy, na orihinal na ginampanan ni Raymond Lauchengco.

Kumumpleto naman sa papel nina Mico Hendrix Chua at Andres Muhlach bilang si Adie, ang baby-faced charm at resident romantic na unang binigyang-buhay ni Aga Muhlach.

At lahat sila mahuhusay na.

Si Andres, ang laki ng improvement. Kung sa technical/dress rehearsal at opening night ay makikitang kabado pa siya, hindi na sa ginanap na Gala Night.

Confident na siyang sumayaw at kumanta, nawala na ‘yung sinasabi niyang kaba.

A production of Newport World Resorts with The Philippine STAR and VIVA Communications, the show is staged by PETA plus. This show is also presented in cooperation with Sun Life Philippines.

Bagets The Musical runs from Jan. 23 to March 2026 at the Newport Performing Arts Theater. Tickets are now available online at https://tickets.newportworldresorts.com/products/bagets-the-musical and all Ticketworld and Ticket2Me outlets: P4,000 (SVIP), P3,500 (VIP), P3,000 (Gold), P2,000 (Silver), and P1,000 (Bronze). For inquiries, contact Customer Care at 7908-8888.