Barbie mi-deny sa isyu

CEBU, Philippines — Hugtanong gihimakak ni  Barbie Imperial  ang niulbo nga intriga nga ang iyang adunahan nga admirer maoy nigasto sa pagpahimo sa iyang dream house. Suma pa ni Barbie nga dunay blind item  nga tataw nga siya ang gitumbok.“ Hindi nalang kayo maging masaya. I can proudly say NO MAN helped me achieve this,” suma pa sa aktres.

Maka-relate sa iyang role 

Mobalik na si  Rachelle Ann Go sa  Philippine stage isip  Fantine sa  “Les Misérables World Tour Spectacular.”   Suma pa sa singer  nga  dunay bug-at nga emosyon ang iyang karakter ilabi na maka-relate siya  isip usa ka inahan.

Ryan pasok sa 2025 Korea National Image Survey

Nalakip ang pangalan ni Ryan Bang sa  listahan sa 2025 Korea National Image Survey  nga gi-release sa  Ministry of Culture, Sports and Tourism sa Korea. Listahan kini sa mga personalidad nga nakahatag og positibong impact sa South Korea.  Wala magdahom si Ryan nga malakip ang iyang pangalan sanglit dili basta-basta  nga mga artista ang  nalakip sa maong listahan nga sama  sa BTS, Blackpink, Lee Min-ho, ug uban pa.

SB19  nakabaton og 1 billion streams sa  Spotify

Nakaangkon  na pud  ang SB19 og laing  milestone sa ilang career human  kini nakalangkat  og  1 billion streams sa  Spotify .

"To everyone who listens to our music: you are the reason we keep creating. Thank you to everyone who has pressed play and shared our music across the globe," social media post sa grupo. 

Gipahinungod nila ngadto sa ilang fans ang nakab-ot nila nga kalamposan.

"We truly couldn’t have done any of this without our A'TIN, who have made our music a part of their lives. We did this together, and we’re just getting started! Keep streaming our music and stay tuned for what's next,” dugang pa sa SB19.

Ang SB19 kay gilangkoban nila   Stell, Pablo, Josh, Felip, ug  Justin.

Lea ug iyang bana nagbuwag

Nagbuwag na ang international singer-actress nga si Lea Salonga  ug ang iyang bana nga American businessman nga si Robert Chan.

Suma pa sa singer nga wala  niya gisekreto ang maong  butang.

Nagdumili si Lea sa   pagdetalye sa  rason sa separasyon nila sa iyang bana. 

Himig Handog originals ang gidalit

 “BETWEEN SIGHS”, BAG-ONG MINI ALBUM NI  MISHA

Gihatagan og bag-ong kolor sa produkto sa  “Idol Philippines” season 2 nga si Misha De Leon ang mga awit  sa Himig Handog pinaagi sa iyang debut extendaed play (EP) nga “Between Sighs.”

“I’m truly overwhelmed and thankful for the support people have shown for my music. I’m so grateful for the entire StarPop team for the love, time, and energy they poured into helping me in this EP,” nagkanayon ang singer.

Unom ka mga bag-ong rendition ang nalakip sa maong mini album, nga naglangkob sa  “True Love” ni Mike & Noah, “Sugarol” ni John Sabili, “Wow Na Feelings” ni Karlo Zabala, “Sa’yong Mundo” ni Joan Da ug LJ Manzano, “Out” ni Erica Sabalboro, ug “Nyebe” ni Aries Sales. Gipangulohan sa StarPop label head nga si Roque “Rox” Santos ang produksyon niini.

Nailhan si Misha sa iyang pag-apil  kaniadto sa “The Voice Kids Philippines” season 3, diin coach niya si Sharon Cuneta. Niapil usab siya  sa “Idol Philippines” season 2 ug nahugyaw ang kadaghanan sa iyang performance sa “Oo” ug “Sign of the Times.”

Niadtong 2023, gilusad sa StarPop artist ang iyang unang single nga “Damdamin,” nga nakabaton  og kapin sa 200,000 streams sa Spotify. Gisundan kini sa uban pang mga kanta  nga sama sa “Haging” ug “Equilibrium.”

Si  Misha usab ang nagkanta sa  mga theme song sa pelikula ug teleserye  nga sama sa “Dito Ba” sa A Very Good Girl ug “Gising Gising” sa It’s Okay To Not Be Okay.

Ang “Between Sighs” EP ni Misha De Leon kay available na karon sa nagkadaiyang  digital streaming platforms.