ASAP sa Vancouver part 3

Makita karong adlawa  ang ikatulong hugna  sa  “ASAP” nga nanukad sa Vancouver, Canada.

Idalit ni Anne Curtis ang hugyaw nga song number nga pagasundan  sa duet nila ni Regine Velasquez.

Molugwa pud ang mga bitoon sa pelikulang  “Meet, Greet & Bye” nga sila  Piolo Pascual, Joshua Garcia, ug Belle Mariano .Mokiay-kiay sa dance showdown ang “ASAP” OG dance idols nga sila Shaina Magdayao, Enchong Dee, ug Kim Chiu. Kanta ug sayaw usab ang idalit nila Darren Espanto, Iñigo Pascual, Jhong Hilario, Vhong Navarro, ug G-Force.

Gipaabot  ang biniritay  nila Martin Nievera, Erik Santos, Henry Ayeras, Angeline Quinto, Crisadhel Bernardo, Sofronio Vasquez, Dong Sabanal, Klarisse De Guzman, Sharon Rose, Jona, ug Rucell Voloso. Ang 30th anniversary celebration sa  “ASAP in Vancouver Part 3” kay makita karong udto sa Kapamilya Channel, Kapamilya Online Live, TV5, A2Z, iWantTFC, ug TFC worldwide.

70th birthday

Nagbaha ang mga artista nga nitambong sa 70th birthday celebration ni Charo Santos sa niaging gabii. Gisaulog usab niya ang kasumaran sa ika-50 ka tuig niya sa showbiz industry .Pipila sa nitambong sa maong espesyal nga okasyon kay sila  Boots Anson-Roa, Vice Ganda, Helen Gamboa, Bea Alonzo, Jericho Rosales, Martin Nievera, Sharon Cuneta, Dimples Romana, Piolo Pascual,  Judy Ann Santos,  ug uban pa.

Oras sa pamilya

Bisan sa ka-busy ni Rabin Angeles sa iyang mga proyekto , gipaneguro niya nga mohatag og oras sa iyang pamilya . Kung wala siya'y  taping sa pelikulang “A Werewolf Boy”,  molarga gyud siya sa Pampanga aron moduaw sa iyang pamilya .

Soud nga higala

Usa si  Julia Montes  sa soud  nga mga higala ni Alden Richards . Suma pa sa aktor nga magbinantayon na siya sa pagpili og mga higala bahala'g dili  kaayo kini daghan.Kahinumdoman nga nagkapares kaniadto sila  Alden ug Julia sa pelikulang  Five Breakups and a Romance.