Dili makalimot sa Viva

CEBU, Philippines — Malakip si Lorna Tolentino sa  launching movie sa  magka-loveteam nga sila Rabin Angeles ug Angela Muji,  nga Philippine adaptation sa  blockbuster 2012 South Korean movie nga A Werewolf Boy. Dakong garbo alang nila ni Rabin ug Angel nga makatrabaho ang beteranang aktres. 

Ang maong pelikula kay gipaluyohan sa Viva Films nga mao usab ang nag-produce sa mga sikat nga pelikula ni Lorna kaniadto nga sama sa Ang Sinasamba Kita (1982), Init Sa Magdamag (1983), Sana Bukas Pa Ang Kahapon (1982), Maging Akin Ka Lamang (1987), Pusong Mamon (1998), Abakada…Ina (2001), Felix Manalo (2015) ug uban pa.

Ang Viva gihapon ang nagpaluyo sa pelikula ni Lorna niadtong 1992, ang Narito Ang Puso Ko  nga maoy nakapadaog kaniya isip best actress sa pipila ka award-giving bodies.  

Miss Universe 2025 Ahtisa milarga na sa Thailand

Milarga na  kagahapon paingon sa Thailand  ang pambato sa Pilipinas sa Miss Universe karong tuiga nga si Ahtisa Manalo.

Gihatod siya sa nagbaha niya nga fans  sa NAIA Terminal 1  isip pagpadayag og dakong suporta kaniya.

Ubay-ubay usab nga  mga Pinoy ang nisugat kaniya pag-abot niya sa Thailand.