Suki sa mga rekognasyon

CEBU, Philippines — Dili na diay bag-ong sa educational television series nga  “Ready, Set, Read!” sa Knowledge Channel Foundation Inc. nga makadawat og mga rekognasyon . Una na nga nabalita sa niaging adlaw nga mao kini ang  national winner sa Pilipinas  alang sa  Best Children’s Program category sa Asian Academy Creative Awards (AACA) 2025 . Pagahimoon sa  Singapore karong December 4 ang awarding ceremony niini . Pipila sa rekognasyon nga naangkon niini kaniadto mao ang  Anak TV Seal (2023),  Special Citation for Best Children and Youth Program sa 44th Catholic Mass Media Awards,  KBP Golden Dove finalist citation, ug  Outstanding Corporate Social Responsibility Project award sa League of Corporate Foundations ( 2022).