Chie mialma sa isyu

CEBU, Philippines — Nanawagan  si Chie Filomeno sa publiko nga  unta dili damayon  sa isyu nga iyang gisagobang ang pangalan sa usa ka negosyante dinhi sa Sugbo  .

Kahinumdoman nga na-link  ang  aktres sa maong negosyante .

Suma pa niya nga pribado kini nga tawo ug ang pamilya niini  busa nanghinaot siya nga dili kini damayon sa isyu .

"They don't deserve to be dragged into something that has nothing to do with them.No further statements will be made at this time. I kindly ask that people refrain from speculation or intrusions into my private affairs.Thank you for your understanding and cooperation,"suma pa ni Chie.

Bisan pa man sa iyang pagka-artista, gibutyag  ni  Chie sa katawhan  nga magpabiling pribado ang ubang bahin sa iyang kinabuhi.

"I may be a public figure, but I am not public property. I ask that my private life remain private," niya pa .

Mipahuway sa social media 

Gi-deactivate ni Shuvee Etrata  ang iyang X account (kanhi Twitter ) aron dili maapektohan ang iyang mental health  sa padayon nga pagpangatake sa iyang bashers . Kahinumdoman nga giinitan og maayo ang karaan nga post ni Shuvee nga naghisgot sa baruganan niya sa isyu sa politika.   "Masakit din pag sobra silang nag jujudge as in hindi ko nasasabi yung saloobin ko. Parang pinagtutulungan ako ng lahat. Parang nagtataka ako kung ano ba maling ginawa ko, may tinapakan ba akong tao? May ninakaw ba ako? May ginawa ba talaga akong kamuhimuhi?” saysay pa ni Shuvee sa interview niini sa ABS-CBN News .

Baby no. 2

Madugangan ang miyembro sa pamilya nila   Rocco Nacino ug sa  volleyball star nga si  Melissa Gohing. Gipahibalo ni Rocco nga mabdos si Melissa alang sa ikaduha nila nga anak . “Hit me baby one more time... Coming soon this 2026! ,” social media post ni Rocco.

Nakighimamat sa fans

Gisaulog ni Miguel Tanfelix ang iyang birthday sa niaging adlaw kauban ang iyang fans. Malipayon ang aktor nga nahimamat niya ang mga tawo nga todo suporta sa iyang career.Gikan nibakasyon ang aktor sa South America. Nisuroy siya sa  São Paulo sa Brazil, Machu Picchu ug  Huacachina sa  Peru; uf Buenos Aires sa Argentina.

Vice molugwa sa Bubble Gang

Giatngan  ang guesting sa komedyanteng Kapamilya star nga si  Vice Ganda sa Kapuso show nga  “Bubble Gang”!

Sa iyang Instagram story ,gipaambit ni Vice ang hulagway sa mga buwak , nga dunay  note: “Dear Vice, Thank you for guesting. Batang Bubble ka na!”.

Sa nangaging interview kang Vice , nahisgotan niini nga pangandoy gyud niya nga maka -guest sa Bubble Gang.

Nahisgotan usab kaniadto sa usa mga bitoon sa Bubble Gang nga si Michael V nga gitingoha pud nila nga maka-guest si Vice sa ilang programa . 

KD isip Arnel sa bagets

Ang aktor nga si KD Estrada  maoy mohatag og kinabuhi sa karakter ni  Arnel sa Bagets :TheMusical .

Orihinal nga nidala sa maong role mao si Raymond Lauchengco.

Ang maong  musical kay gipaluyohan sa  Newport World Resorts ,  The Philippine Star ug   Viva Communications Inc., inubanan sa kooperasyon sa   PETA Plus. 

Nicole ug Keith nagbuwag

Nagbuwag  ang  award-winning Hollywood  actress nga si Nicole Kidman ug ang  singer nga si Keith Urban human sa ilang 19 ka tuig nga panag-uban.

Niulbo ang chika nga ang kakulang sa oras nila sa usa'g usa maoy rason sa ilang panagbuwag .

Matud pa nga gisuwayan nila og luwas ang ilang kaminyoon apan wala kini mosaler .

Justin gikagobtan sa viewers sa Sang'gre

Trending ang paglugwa sa karakter sa miyembro sa SB19 nga si  Justin De Dios sa "Encantadia Chronicles: Sang'gre" niadtong Lunes sa gabii .

Nidala siya isip  Ec'naad ug nidominar ang iyang pangalan sa listahan sa  trending topics  sa Pilipinas sa   X (kanhi  Twitter) niadtong tungora .

Gipistahan ang hashtag "JustinBilangEcnaad" nga nilangkat dayon og liboan ka tweets.