Pinangga ang mga Pinoy

CEBU, Philippines — Dili gyud malilong ang dakong paghigugma ni Sandara Park sa mga Pinoy bisan asa siya moadto. Sa pagrampa niya sa  Milan Fashion Week , nabatyagan niya ang mga Pinoy nga niabiba kaniya busa iya gyud kini nga giduoul ug gikumusta pagkahuman sa maong kalihokan.

Supportive nga uyab?

Niulbo ang chika nga matud pa  nitambong sa pagbukas sa bag-ong negosyo ni Kathryn Bernardo mao ang gidungog nga uyab niini nga mayor sa Lucena City nga si Mark Alcala. Giingong wala lang nagplastada og maayo ang maong politiko.

Uyab ni Rita

Nagmaya  si Rita Daniela human siya nidaog isip  best actress sa 7th Sinag Maynila indie filmfest  alang sa pelikulang Madawag ang Landas Patungong Pag-asa. Kauban niya  sa awards night ang basketbolistang si Mclaude Guadaña, star player sa Lyceum of the Philippines University (LPU). Gikatahong taod-taod na kini nga boyfriend ni Rita. 

Mga traydor  magbaha sa Beauty Empire finale

Nagkainit og samot ang tensyon  sa naghinapos  nga  revenge drama series nga “Beauty Empire”, proyekto sa GMA Network, Viu Philippines, ug CreaZion Studios.

Naa na kini karon  sa finale  week ug makita ang dugang hugna sa traydoray  ug matawag kini nga final showdown .

Mag-atubangay  ang mga karakter nila Shari (Kyline Alcantara), nga kaniadto kauban ni Noreen (Barbie Forteza), mibulag sa grupo ug miuban na ni Eddie (Sid Lucero) ug ang maong panghitabo  kay nakapakugang ni Velma (Ruffa Gutierrez).

Nalakip pud sa maong series sila Chai Fonacier, Gloria Diaz, Gabby Padilla, Sam Concepcion ,Choi Bo-Min Alex, Alex Agustin, Paolo O’hara , Polo Laurel , Arkel Mendoza , Divine Aucina , Aaron Maniego , Noemi Gonzales ug Isay Alvarez .

Nagpasalamat si Barbie  sa tanang nagsunod sa Beauty Empire .

”Thank you all so much for watching until the end and loving each characters. We hope that we’re able to give a new meaning of beauty and success, “suma pa ni Barbie .

Gidumala kini ni Mark Sicat Dela Cruz, nga gibase sa istoryang gihimo nila Real Florido ug Rona Co sa CreaZion Studios. Ang naghinapos nga “Beauty Empire"  kay makita sa GMA Prime, alas 9:35 sa gabii. Alang  sa mga Pinoy sa gawas sa nasud, makita kini sa GMA Pinoy TV.

Alden nakahilak sa kalagot sa korapsyon

Nakahilak si Alden Richards  sa kalagot  sa mga tawo nga nalambigit sa korapsyon.

Matud pa niya nga subo kaayo  palandongon  nga nagpahayahay ang mga  tawo nga nagwaldas sa kuwarta sa katawhan , samtang ang mga ordinaryo nga tawo kay nag-antos sa kalisod.

Usa si Alden sa nagbaha nga mga artista nga nanawagan nga kinahanglan tuldokan na ang korapsyon .

Alexa, grand winner sa “Idol Kids Philippines”

Napili isip labing una nga  grand winner sa “Idol Kids Philippines” si kiddie hopeful Alexa Mendoza sa nahitabo nga makasaysayanon nga Final Showdown sa niaging gabii.

Gipakpakan og maayo  ang talagsaong pasundayag ni Alexa nga nakakuha og 98.88% nga kombinasyon sa botos sa publiko ug puntos gikan sa Idol judges, pinaagi sa iyang orihinal nga awit nga  “Maaabot Ko” ug sa kusgan  niya nga  bersyon sa klasikong awit nga “Ang Huling El Bimbo” sa bandang Eraserheads.

Nakadawat  si Alexa og exclusive contract gikan sa StarPop ug   P1 milyon.

Dili lamang si Alexa ang bida  sa maong kompetisyon, kundi apil usab ang uban pang Top 3 kiddie hopefuls nga nagpakita sa ilang orihinal nga mga awit: “Pakinggan Mo” ni Klied ug “Dalangin” ni Quinn, nga sama ni Alexa, gipasundayag ang ilang talento pinaagi sa mga kantang gi-produce  ni Jonathan Manalo, usa ka award-winning nga songwriter ug producer.

Ang in-studio lyric videos sa tanang awit sa Final Showdown mapaminaw ug makita na sa ABS-CBN Star Music YouTube Channel, samtang ang ilang opisyal nga mini album i-release  karong Biyernes, Oktubre 3, sa nagkalain- laing streaming platforms.

Gipasigarbo usab sa grand finals ang  special performances gikan sa mga host sa “It’s Showtime” nga sila Jhong Hilario ug Vhong Navarro.

Wala usab nagpaulahi ang  Kapamilya Idol judges nga misuporta sa mga bata gikan sa sugod hangtod sa katapusan sa season  nga sila Asia’s Songbird Regine Velasquez-Alcasid, Power Diva Angeline Quinto, record-breaking singer-songwriter Juan Karlos, ug Mr. Pure Energy Gary Valenciano.

Nalakip usab sa maong programa ang IdolKada hosts nga sila Shanaia Gomez ug Jeremy G, nga maoy naghatag  og kalingawan ug suporta sa fans sa online platforms.

Ajaa, dunay love confession sa bag-ong awit nga “Ako Na”

Usa ka pagpadayag sa espesyal nga pagbati ang  gihisgotan  sa promising P-pop boy group nga AJAA sa ilang labing bag-ong awit nga “Ako Na”, nga nakatungtong na sa unang pwesto sa iTunes Philippines.

Ang maong kanta naghisgot sa pangandoy nga matagad ug masuklian ang gugma alang sa tawo nga ilang gihigugma. Kini ang unang single sa grupo ubos sa StarPop, ang record label sa ABS-CBN.

Ang “Ako Na” gisulat ug gi-produce ni Franz Chua nga miyembro sa grupo nga VXON, uban nila Jhon Carl Maniacop ug Theo Martel.

Gilangkoban ang AJAA nila Ash, JC, Axl, ug Alex nga naporma niadtong 2023. Nailhan sila isip “new generation of P-pop” ug gilusad ang ilang unang extended play (EP) nga “4 Ü”, nga nikulit  ug kapin sa 3 milyon ka streams sa Spotify. Nalakip  sa EP ang mga awit nga  “Hany,” “Best Day Ever,” “Cuppy Cake,” ug “Torpe.”

Madungog ang “Ako Na”  sa nagkalain-laing streaming platforms.