Gerald makigbalik kang Julia

CEBU, Philippines —  Nikatap karon ang taho nga matud pa nga nangita gyud og paagi si Gerald Anderson nga  makig-istorya ngadto sa iyang ex- girlfriend  nga si Julia Barretto  sa pamasin nga mabalik ang ilang  relasyon.

Apan niulbo ang taho nga wala na’y  gana si Julia  nga moatubang kang Gerald  busa napanglantawan nga hanap na ang posibilidad nga magbalik ang duha..

Wala  pa gyud gidetalye  sa duha ka kampo ang rason sa ilang panagbuwag.  

Nag-enjoy sa kinabuhing single

Giklaro  sa beauty queen-actress  nga kontento ra gyud siya sa iyang pagka-single.  Matud pa niya nga wala gyud siya batia og kalaay.  Kahinumdoman nga nagkauyab sila kaniadto sa aktor nga si Jeric Gonzales. “Solo dates are so underrated — treat yourself like the prize that you are. Being single isn’t sad, it’s a standard,” Instagram post ni Rabiya.

Ivana gisapot sa  mga kawatan

Usa si Ivana Alawi sa mga  nisalmot sa protesta  niadtong Domingo  ug nanawagan alang sa pagpukan  sa korapsyon sa nasud. “Ang laban na ito ay para sa kinabukasan ng Pilipinas. Tigilan na ang pagnanakaw! Tigilan na ang pangungurakot! ,” social media post ni Ivana.

Kevin nasuko

Gipikhan sa Thai-Irish model - actor nga si Kevin Dasom ang mga tawo nga nisaway sa  iyang pagpanguyab kang Herlene Budol .   Wala usab siya nahimout sa mga tawo nga nagtumo-tumo og istorya batok kanila. “If you don't know us personally or haven't heard things directly from us, please don't believe everything you hear.We're focused on each other and moving forward with love, honesty, and respect,” suma pa ni Kevin.