Banda nga BRYN mipaila sa ilang mini album nga “Relapse”
CEBU, Philippines — Gilusad na sa bag-ong alternative-rock band nga BRYN ang una nila nga mini album nga nag-ulohan og “Relapse.”
Gilangkuban kini og lima ka kanta, lakip na ang bag-ong mga track nga “Pwede Ba?,” “Lagi Kang Tama,” “Tangi,” ug “ShotGoodbye!”. Pasok usab niini ang awit nga “Pinalit Sa Malapit (PSM).”
Ang “Tangi” maoy giila nga key track sa maong EP, nga inspirado sa anime nga “Your Name.”
“’Tangi’ carries the feeling of a love that exists across distance and time, like souls destined to meet, no matter how far part,” mensahe pa sa maong banda.
Ang ilang mga awit kay sinulat mismo sa ilang bokalista nga si Bryan Kairuz, ug gi-produce ni Gabriel Tagadtad ubos sa DNA Music label sa ABS-CBN. Gilangkuban ang BRYN sa mga miyembro nga sila si Bryan (vocals), Kevin (lead guitar), Jerico (rhythm guitar), Gio (drums), Bong (keyboard), ug Marvin (bass).
- Latest
