Pribadong relasyon

CEBU, Philippines — Adunay non-showbiz boyfriend si Bea Binene. Gipaneguro sa aktres nga pribado ang ilang relasyon aron mas layo kini sa kasamok  "May mga bagay na if you really treasure something, someone is very special to you, and something is very important to you, you protect it from the unnecessary noise, di ba?" suma pa ni Bea sa  interview niini sa vlog ni Dolly Anne Carvajal.

Balik - Showtime

Nakabalik na sa noontime show nga It’s Showtime ang komedyanteng TV hosts nga sila MC ug Lassy. Kahinumdoman nga taod-taod nga nakapahuway ang duha sa maong show. Wala hinoun nila  gidetalye ang rason sa wala nila paglugwa sa maong show sulod sa duha ka buwan.

Ganahan mag-direktor

Gibutyag ni  Belle Mariano nga duna siya'y  tingoha nga mahimong direktor sa usa ka proyekto  puhon. Suma pa sa aktres nga labing maayo nga masulayan ang ubang butang o trabaho luyo sa kamera. “I appreciate what we do in front of the camera but also what happens behind the camera. That’s something I want to venture into, hopefully in the future, " ni Belle pa. - Sanden J. Anadia

DSWD misaludo sa kaisog ni Liza

Gidayeg sa  Department of Social Welfare and Development (DSWD), pinaagi  sa Council for the Welfare of Children (CWC), ang aktres nga si Liza Soberano gumikan sa gipakita nga  kaisog sa pagpaambit sa dili lalim nga  kasinatian niini panahon sa iyang pagkabata.

Matud pa nga ang  maong  istorya ni Liza kay makapapukaw sa awareness sa pagka-mahinungdanon sa pagpanalipod sa mga bata.

Kahinumdoman nga sa usa ka interview, gisaysay ni Liza nga gidaog-daog siya kaniadto sa pamilya nga nagsagop kaniya.

“Speaking up about one’s past is never easy, especially for children who have gone through painful and traumatic experiences. It’s like revisiting wounds that haven’t fully healed. That’s why we deeply respect and value those who come forward despite the difficulty. Their stories help open important conversations so that these experiences no longer define the lives of future generations of children.” suma pa ni DSWD spokesperson Asst. Secretary Irene Dumlao.

"Water Sports" imbitado sa New York FilmFest

Posibleng magpadayon ang paglugwa ni Elijah Canlas sa international scene human nakadawat og imbitasyon  ang iyang short film nga “Water Sports” sa 63rd New York Film Festival.

Nabatyagan sa maong  iladong film festival ang  makapadani nga istorya ug lig-on nga performance ni Elijah sa "Water Sports".

Ang maong short film nagtuki sa tema alang sa pag-ila sa kaugalingon.

Lars ug Clyde nagbuwag

Hingpit na nga gituldokan nila ni Lars Pacheco ug Clyde Vivas ang pito ka tuig nila nga relasyon.

Gibutyag ni Clyde nga  si Lars ang kalit namiya kaniya ug wala gyud sila nagkaistoryahanay niini.

Samtang natulog  siya, kalit lang nga nibiya si Lars. "Nakakalungkot lang na iniwan moko habang natutulog ako at nag iwan ka ng mahabang mensahe para sakin.

Sana kinausap mo muna ako para alam ko lahat ng gagawin, pero ganon siguro talaga. Nawalan kana din ng pagmamahal sakin, nag sawa kana. Sabi ko nga sayo noon nung pinaglaban kita," saysay pa ni Clyde.

Samtang giangkon ni Lars nga siya maoy nagbinuang sa ilang relasyon, ug makadaghan na nga higayon nga nanglimbong siya kang Clyde.

"I cheated on him – once, twice, thrice. I couldn't stand anymore seeing him loving me so much with all of his heart. All I can do is to give him pain so I decided to end it up," ni Lars pa.