Gikatulgan sa unang gabii

CEBU, Philippines — Nagkatawang gibutyag ni Edgar Allan "EA" Guzman  nga gikatulgan lang siya ni Shaira Diaz pagkahuman sa ilang wedding party  niadtong Agosto 14.

Sa programang Unang Hirit kagahapon , gipangutana ang bag-ong magtiayon  kun kumusta ang  unang gabii pagkahuman sa ilang kasal ug nahimout ang duha sa maong pangutana .

“Magiging honest ako pero grabe yung ngiti ko talaga.Pero nung first night, tinulugan ako!," suma pa ni EA. 

Baby Girl

Gipakita  ni Bea Borres pinaagi sa iyang latest vlog ang mga panghitabo sa iyang  gender reveal party . Suma pa sa aktres nga babaye ang bata nga iyang gisabak ug panganlan kini og Pea. Usa sa mga nitambong mao ang soud niya nga higala nga si Andrea Brillantes.

Mentor ni Joaquin

Gibutyag sa Kapamilya actor nga si Joaquin Arce  nga ang stepmother niya nga si Angel Locsin maoy iyang mentor sa pag-arte.  Kanunay gyud siya giabagan niini sa mga angayan nga buhaton kun mag-atubang na siya sa kamera .

Niña nanganak na

Gihimugso na ni  Niña Jose  ang ikaduhang anak nila ni Cesar Quiambao. Wala gipakita ni Niña ang dagway sa iyang anak aron maprotektahan ang privacy niini .Si Niña maoy kasamtangan nga mayor sa  Bayambang, Pangasinan ug naa na siya ikaduhang termino.

Maine na-in love kaniadto kang Alden

Giangkon sa “Eat Bulaga” host nga si Maine Mendoza nga nahigugma gyud siya kang Alden Richards kaniadto  , hinoun wala gyud nanguyab ang aktor kaniya.

Gipangutana si Maine sa usa ka netizen nga nagkanayon ,”Sa mga panahon ng Kalyeserye/Aldub, minahal ba nila Alden [at] Maine genuinely ang isa’t isa na more than pagmamahal ng magkaibigan?”

Dali nga nitubag si Maine og  “Alam din niya, kasi kung vocal ako sa lahat ng tao, pati kay Alden mismo. Alam ni Alden ’yun, sinabi ko naman sa kanya rekta, pero hindi siya nanligaw.”.  

BOC nag-sorry kang Bela

Nangayo og pasaylo ang  Bureau of Customs ngadto sa Kapamilya actress nga si Bela Padilla human wala magkatakdo ang gibayran nga buhis sa aktres ngadto sa iyang  online purchase ug sa kaugalingon niya nga paggamit og online calculator.

Sa niaging adlaw , nireklamo ang aktres  gumikan kay  nakabayad siya og  P4,600  nga buhis sa shipment  niya nga nagkantidad og  P11,000 .

Nigamit ang aktres sa online calculator sa BOC  ug nigawas nga dapat P1,650 ra gyud unta ang iyang bayranan.

Sa pag-ulbo sa maong isyu, nikontak si   Customs Commissioner Ariel Nepomuceno ngadto kang  Bela ug nangayo kini og pasaylo .

“Nagpapaumanhin ako kay Ms. Bela at sa ng ating kababayan na nagkaroon ng ganyang hindi magandang karanasan po sa BOC.

Yung mga nag-i-import po kasi na gumagamit ng e-commerce malamang hindi lang si Ms. Bela po ‘yan. Sa ating mga kakabayan, of course, pasensiya na po. Sisikapin po natin, limang linggo pa lang ako dito sa trabaho at ang dami po nating kukumpunihin talaga,” saysay pa  ni Nepomuceno sa interview niini kagahapon sa DZMM.

Giangkon ni Nepommuceno nga dunay kakulian ang  online calculator sa  BOC .

  Gimandoan na niya ang iyang mga tawo nga tangtangon lang una ang ilang online calculator gumikan kay nakamugna kini og kalibog.

Suma pa niya nga dunay ubang items nga wala naka-feature sa   calculator busa dili magkatakdo ang resulta niini .

Nadia mi-resign isip staff ni Sen. Padilla

Ni-resign na  kagahapon  si Nadia Montenegro isip political affairs   officer ni Senador Robin Padilla.

Kahinumdoman nga nitumaw ang pangalan ni Nadia sa usa ka alegasyon nga matud pa nigamit kini og marijuana sulod sa senate building .

Gihimakak ni Nadia ang maong  alegasyon batok kaniya . 

Matud pa sa aktres nga ang iyang pag-resign kay nagpakita lang og respito  sa buhatan sa Senador  aron dili kini makamugna  og kasamok  .

 "My decision to resign should not be misconstrued as an admission of guilt—it is not. Rather, it is a demonstration of my deep respect for the Senate and Senator Padilla’s office, so that this issue does not cause further distraction or harm," ni Nadia pa.

Bag-ong season Gerald magsilbing direktor sa “Sins of the Father”

Gibati og pressure  apan mapasalamaton ang action-drama royalty nga si Gerald Anderson sa iyang unang pagsulay isip direktor sa bag-ong season sa “Sins of the Father” sa ABS-CBN.

“I was nervous at first, but they really made me feel at ease. The support I get from JRB, Direk FM Reyes and Bjoy, the management, especially Tita Cory and Direk Lauren—it’s so genuine, you can really feel it. In my 19 years, this is the first show where I didn’t have any doubts, because I know I’ve got people backing me up,” suma pa sa aktor . Malakip sa bag-ong season sila Barbie Imperial, Binsoy Namoca, Dylan Yturralde, Eric Fructuoso, Joel Saracho, Junjun Quintana, Kolette Madelo, Lei Ang, Manuel Chua, Mel Martinez, Melissa Mendez, Reign Parani, Simon Ibarra, Zeppi Borromeo, ug River Joseph.

Nagmugna og "spliced video" gikiha sa  BINI

Gipasakaan na og pormal nga reklamo sa grupong  BINI  ang usa ka indibidwal nga wala pa  nila nganli  . Gisang-at nila kini kagahapon sa Hall of Justice sa  Santa Rosa, Laguna.

Sa report ni MJ Felipe sa ABS-CBN News , gibutyag sa legal counsel sa BINI nga si Atty. Joji Alonso nga  "unjust vexation" ubos sa  Article 287  nga dunay koneksyon sa Section 4 (b) sa Cybercrime Prevention Act of 2012  ang gipasaka nila batok sa usa ka indibidwal. Ang gireklamo nila nga  indibidwal kay ilang gitumbok nga responsable sa pag-edit og pag-post sa usa ka spliced  video nga nikulit og negatibong image sa BINI. Nangayo usab og danyos nga P1 million ang matag miyembro sa maong grupo.