Nawagtangan og cellphone

Nawad-an og cellphone ang aktor nga si Lance Carr atol sa grand concert sa Vivarkada sa Araneta Coliseum niadtong Biyernes, Agosto 15, 2025. Giingong nahitabo kini sa dihang gidumogan siya sa daghang tawo. Nitabang sa pagpangita sa maong cellphone ang higala ni Lance nga si Marco Gallo ug nitanyag kini og reward money alang sa makauli niini.

Pasidunggan sa Philippine Film Industry Month

Lima ka respetado nga award-winning female filmmakers ang gikatakdang pasidunggan sa Film Development Council of the Philippines (FDCP) alang sa Philippine Film Industry Month 2025 karong September.Kini naglangkob sa cinematographer nga si Lee Briones-Meily; writer ug production designer nga si Raquel Villavicencio; aktres ug direktor nga si Gina Alajar; direktor nga si Olivia Lamasan, ug ang movie producer nga si Malou Santos.

"I love you" gipapas

Gipapas ni Enrique Gil ang "I love you" comment niya sa TikTok post sa iyang ex-girlfriend nga si Liza Soberano.

Kahinumdoman nga sa niaging adlaw, nag-post si Liza sa iyang TikTok account ug nag-lip sync sa awit ni Ariana Grande nga "Everytime." Wala kini butangi ni Liza og caption, apan nikulit og atensyon ang komento ni Enrique nga "I love you." Wala mohatag og rason ang aktor sa pagpapas niya sa maong mensahe.