Alden,walang minamadali

Isa si Alden Richards sa mga kinilala bilang Men Who Matter 2025 ng PeopleAsia magazine. Para sa Kapuso actor ay unti-unti nang nagbubunga ang lahat ng kanyang mga pinaghihirapang gawin.

“Sarap lang sa pakiramdam kasi parang nagbubunga lahat ‘yung mga works ko behind the camera. I’m in my legacy building stage and the question every day that pops in my head is, ‘How do you want to be remembered by the people around you?’ And that’s the reason why I keep on doing what I’m doing,” nakangiting pahayag ni Alden sa 24 Oras.

Kapag walang trabaho ay sinisikap na makapagbisikleta ng binata. Nakalahok at nakamit ang 4th place si Alden sa ginanap na 71-kilometer gravel cycling race kamakailan. “Ang sarap lang sa pakiramdam na the only thing that matters to me that time was, of course, safety is number one, but it was just me, the bike, the terrain, and the finish line. Ang saya, uulitin ko ‘yon,” paglalahad ng Asia’s Multimedia Star.

Kahit kabi-kabila ang ginagawang trabaho ay nakapag-enroll din si Alden sa isang aviation school noong isang buwan. Nagte-training na ngayon upang maging piloto ang aktor.

“The reason why it’s happening to me right now is alam ni Lord one way or another that I’m gonna be able to finish that. I’m taking it one step at a time. Wala akong minamadali,” pagtatapos ng Kapuso actor.

Negosyong manukan ni Joel, namamayagpag hanggang sa ibang bansa

Hindi lang sa Pilipinas mayroong mga sangay ang JT’s Manukan Grille na pag-aari ni Joel Torre. Ngayon ay natitikman na rin ang sikat na Bacolod chicken sa Singapore at Dubai.  “Twenty percent of people in Dubai are Filipinos. For every five persons, may isang Pinoy, imagine? Twenty-one percent if you have to be exact. We have two in Singapore. We just opened last month our second branch. It was our partners who wanted to maybe push it so we did,” pagbabahagi ni Joel sa YouTube channel ni chef JP Anglo.

Nagsilbing inspirasyon sa beteranong aktor ang ina upang sumabak sa pagnenegosyo ng pagkain. Bata pa lamang daw noon si Joel nang makatulong sa ina sa pamamalengke at pagluluto sa kanilang bahay.

“I’m doing both my passion. Because of mom, I started out with food at a very young age. I used to be her sidekick. She brings me to the market. And I started theater with Peque (Gallaga) at the age of 7. So, these were growing up, both my passion. And that’s why I’m so happy na (nagagawa) ko ‘yung both,” kwento ng aktor.  (Reports from JCC)