Musul-ob ka ini?

CEBU, Philippines — Usa sa mga gisul-ob ni Kim Chiu sa iyang bag-ong show: Confessions Of A Ukay Queen nga makita na sa streaming app Prime Video kagahapon.

Caption ni Kim niini nagkanayon: Basahan at Retaso. "Basura man sa inyong paningin, may magmamahal at magmamahal din."

Mga hulagway gikan sa IG account: chinitaprincess

Sugdan na

Mismong si Joshua Garcia ang nikumpirma mahitungod sa teleserye nga pagabituonan nila ni Janella Salvador. Mao kini ang follow-up project nila human sa Darna. Dinhi niining maong serye sila na gyud maoy magka loveteam. Gam-on ubos sa Dreamscape Entertainment, pipila ka eksena lamang ang himuon dinhi sanglit sa London gyud ang ilang taping.

Gibaliran ni KMJS

Dahunog ang tsika nga gibalibaran sa award-winning broadcast-journalist nga si Jessica Soho ang request ni Vice Ganda aron mo-guest sa Kapuso Mo Jessica Soho sa GMA7. Kahinumduman nga sa presscon atol sa pagpinirmahay og kontrata sa ABS-CBN ug GTV aron molugwa ang It's Showtime sa maong channel, gibutyag ni Vice nga nirequest siya sa iyang boss nga si Cory Vidanes aron molugwa sa usa ka GMA7 show aron magpromote sa It's Showtime. Suma ni Vice, siguradong makugang gyud ang viewers kun mahinayon siya sa maong show. Wala mabutyag unsa nga show, apan ang pagduda sa publiko mao ang KMJS. Kahinomduman nga nakontrobersyal si Vice sa iyang concert niadtong 2013 human niya giapil sa iyang "rape joke" si Soho.

Dream Come True

Naglisud pagtuo si Julia Barretto dihang giingnan siya nga si Aga Muhlach ang iyang partner sa mosunod niya nga pelikula. Kini pinaagi sa pelikulang "Forgetting Canseco" nga sinuwat ug ubos sa direksyon ni Denise O'Hara. Tribute kini alang sa banggiitang composer nga si George Canseco. Matud ni Julia sa presscon sa maong pelikula, dako kaayo niyang dungog nga ang original heartthrob ug banggiitang aktor nga si Aga maoy iyang partner. Pangandoy matud pa niya ang aktor nga makatrabaho ug matuman na gyud karon. Si Aga sab sa iyang bahin nahimuot nga sa iyang edad karon naparis pa siya kang Julia nga usa sa mga maayo ug sikat nga artista karon.

Ang Cast

Makauban nila ni Barbie Forteza ug David Licauco sa TV version sa sikat nga pelikulang Maging Sino Ka Man, ang banggiitang aktres nga si Jean Garcia. Apil sab niini sila si Juancho Trivinio, Faith da Silva, Jeric Raval, ER Ejercito, Richard Quan, Rain Matienzo, Mikoy Morales, ug John Feir. Ubos sa direksyon ni Enzo Williams, karong tuiga kini mulugwa sa GMA Telebabad.

Rayver ug Jasmine, suwayan

Sila si Rayver Cruz ug Jasmine Curtis Smith na pud ang suwayan sa GMA7. Magpares ang doruha sa umaabot nga teleserye nga mag-ulohan og "Can't Let Go", diin makauban sab nila ang banggiitang si Gina Alajar. Ubos kini sa direksyon ni Laurice Guillen. Lakip sab sa cast sila si  Martin del Rosario, Kim de Leon, Liezel Lopez, Luis Hontiveros, Crystal Paras, Patricia Coma, Billie Hankenson, ug Kzhoebe Baker. Kabahin sa usa ka babay nga nahanaw sa hataas nga panahon ug kalit mobalik sa iyang pamilya nga nagtuo og patay na siya, ang istorya niini.