Nataypan si Lyka

Ang pagdangop niya sa Diyos aron mahatagan siya og igong kusog maoy unang gibuhat ni  Lyka Estrella isip kabahin sa preparasyon  sa pagsalmot niya sa Tawag Ng Tanghalan.

Si Lyka maoy napili nga champion sa TNT grand finals sa niaging adlaw.

"Kumapit na lang po ako sa Diyos na mabigyan ako ng lakas ng loob na lumaban pa kahit sobrang pagod na. Sobrang unexpected kasi lahat sila magagaling. Hindi ko po talaga inakala na from the start. Nagdasal na lang ako talaga kung will Niya ibigay," matud pa ni Lyka.

Gipalukapa  sa resbaker gikan sa  Gensan ang kauban niya nga finalists nga sila si  Nowi Alpuerto (95.1%) ug  Jezza Quiogue (89.6%) human siya nakalangkat og total combined score nga 98.9%.

Ang premyo ni Lyka kay naglangkob sa P1 million,   house and lot gikan  sa Camella,  recording contract ubos sa Star Music, management contract  sa  Polaris (Star Magic), ug  Toym Imao trophy.

Nakauyon kang  Lyka ang mga hurado nga sila si  Gary Valenciano, Darren, Jona, Klarisse, Erik Santos, Nyoy Volante, Jolina Magdangal, Jed Madela, Marco Sison, ug  Louie Ocampo human kini nidalit sa  medley sa mga kanta ni Jessie J.