Pataka kaayo

Subling giklaro ni Antonette Taus nga dili tinuod ang padayong tsika nga maong nilarga siya sa USA niadtong 2002 kay nanganak siya. Matud niya ngadto kang Camille Pratts sa vlog niini, nahuman na ang iyang projects niadtong panahona busa nilarga siya sa Amerika aron magbakasyon ug aron gukdon pud ang iyang pangandoy didto.

Apan mas maayo na lamang pud nga gibuhat niya kadto kay nahiagom og cancer ang ilang inahan ug nakauban nila kini sa katapusang walo ka bulan niini. Mobalik unta siya niadtong 2004, apan nahiagom matud pa siya og depresyon hinungdan nga naabtan og dekada usa pa siya nakabalik o niadtong 2014.