Pops, nakalabas na sa ‘isolation’

Sa Skybar ng Waldorf Astoria sa Las Vegas, Nevada nag-celebrate si Pops Fernandez nung 4th of July.

Nakalabas na ang Concert Queen after mag-isolate sila ng mga kasamahan niya sa US concert tour na Four Kings and a Queen after nilang ma-exposed sa isang nag-positive sa COVID-19.

Noong July 2 ay may BBM-Sara Las Vegas Solid Alliance Victory Ball Event commitment si Pops, pero that time ay naka-quarantine pa siya kaya pinalitan siya sa event na ‘yon ni Lani Misalucha.

Anyway, pagkatapos ng US concert tour nila, ang Resorts World Manila two-night concert nila on Aug. 26 & 27 ang tututukan ni Pops.

Co-producer si Pops, pati ang kaibigan niyang si Ms. Cora de Guzman ng Manila concert nila nina Marco Sison, Hajji Alejandro, Rey Valera at Nonoy Zuñiga. Tuloy na uli ang pagpoprodyus ni Pops. May malaking project din siyang ilo-launch na tiyak na marami ang magugulat!

Vice, bumisita sa Yamashiro

Si Vice Ganda sa Yamashiro Hollywood noong Tuesday night (kahapon ng tanghali sa atin).

Sa mga video na nakita namin, ang saya-saya ni Vice at sobrang asikaso rin sa kanya at sa kanyang grupo ni Chef Vallerie Castillo-Archer, ang first lady executive chef sa iconic Japanese restaurant na ‘yon sa Hollywood.

Siyempre, proud ang mga Pinoy celebrity sa pagpunta roon dahil Pinay si Chef Vallerie.

Beteranang aktres na si Hilda Koronel, may career pa rin sa Amerika

Ang veteran actress na si Hilda Koronel na based na sa Orange Country sa Los Angeles.

In fairness, nai-starstruck pa rin ang mga Pinoy sa Amerika kapag nakikita si Ms. Hilda.

Sa July 16 ay makakasama nina Pops at Raymond Gutierrez sa isang event sa Rancho Cucamonga, California si Ms. Hilda.

In fairness to Ms. Hilda, very accommodating siya sa Pinoy fans na nagpapa-picture sa kanya. Ilang beses ko na ring nakatsikahan si Ms. Hilda sa iSkin Medical Spa sa Beverly Hills at mabait talaga siya!

‘Yun na!