Nagtangag og mga pagtulun-an

CEBU, Philippines — Ang lig-on nga pamilya nag-ugat sa pagsinabtanay sa usag-usa.

Pipila lang kini sa mga mensahe nga nagtangag sa lenten drama special nga "Kalbaryo ni Mario'".

Matud pa sa direktor niini nga si Sam Costanilla nga naandan na gyud niya nga mogama og mga proyekto nga maghatag gyud og pagtulun-an.

Ang maong lenten drama special gibitoonan nila ni Dante Javelosa Luzon, Girlie Laspiñas, Dan Sy Lopez,Decemay Padilla, Anne Balagas, Johar Dacayana Lapasaran, Atty. Selwin Prada, Alain Delon Montesclaros, Marjoree Borgonia ug Dr. Tess Heyrosa.

Ang maong proyekto gidalit sa Otadoy Films nga gidumala nila ni Hon. Cyrus ug Jessica Otadoy.

Si Dr. Paulus Cañete  usab ang co-producer niini. Makita ang "Kalbaryo ni Mario" sa Facebook Page  ug YouTube account sa  The Other Side of Me  karong Marso 26 ug Abril 16.

Angelica kumpirmadong  mabdos

Gikumpirmar kagahapon sa Kapamilya actress nga si Angelica Panganiban nga nagsabak siya alang sa unang liwat nila sa iyang boyfriend nga si Gregg Homan.

Sa iyang Instagram account, nag-post siya og mga hulagway ug video sa resulta sa ultrasound.

“Ay! Na post!!.Sa wakas!!! Magagampanan ko na rin ang pinaka hihintay, at pinaka importanteng papel ng buhay ko. Magiging ganap na INA na po ako,” suma pa sa iyang IG post.

Mapasalamaton ang aktres sa iyang pamilya ug mga higala nga nipadangat og suporta kaniya.

“Opo, may matres ako mga baklaaah! Ipagpapasalamat ko na rin ang mga kapamilya, kaibigan, at mga marites na sumuporta, nagdiwang, nagdasal at patuloy na nagdadasal para sa pamilya namin. Waaaaaah! Huhuhu. May pamilya na ko. Kaiyaq pramis,” dugang pa niya.

Belle ug Donny gipistahan

Gipistahan dayon sa fans nila nila ni Donny Pangilinan ug Belle Mariano ang full trailer sa season 2 sa  hit series nga “He’s Into Her”.

Nahimo kini nga trending topic sa Twitter niadtong Sabado sa gabii.

Nasayran nga napuno sa makakilig mga eksena ang season 2 sa maong series. Nalakip usab sa maong show sila si JC Alcantara, Shanaia Gomez, Reich Alim, Rajo Serrano, River Joseph, CJ Salonga, Zach Castañeda, ug Mikha Lim. Kahinum-doman nga ang niaging season sa  “He’s Into Her” kay nakadawat og mga rekognasyon sa  Asian Academy Creative Awards ug Venice TV Awards.

Giila sila si Donny ug Belle isip  “New Gen Phenomenal Love Team".

Nagma-lampuson usab ang pelikula nila kaniadto  nga “Love Is Color Blind.”

Francine suwayan ang rom-com

Sa labing unang higayon, masuwayan na gyud ni   Francine Diaz ang romantic-comedy series. Ang aktres maoy usa sa mga bida sa Bola Bola nga makita sa iWantTFC.

 “Nasasabi ko sa sarili ko, ‘Wow!, nakaka-challenge  din ito ah.’ Na-excite ako at kinabahan noong prinesent ito sa akin. Na-excite ako kasi this time hindi siya ganun ka-heavy. Kasi rom-com siya. So natuwa ako,” matud pa ni Francine.

Matud pa niya nga wala gyud siya nagduha-duha sa pagdawat sa maong proyekto bisan pa man nga lisod kaayo ang pagpakatawa.

"Yung mga joke ang hirap mag-fake ng mga ganun . I accepted the project kasi it’s a blessing. I believe lahat naman na ino-offer sa akin ay mga bles­sing and siyempre sino ba naman ang tatanggi sa biyaya,” dugang pa sa aktres.

Usa sa nakat-onan ni Francine sa dagan sa istorya sa Bola Bola kay dili angayan mamugos sa tawo nga walay gusto kanimo.

"I believe din naman kasi na kung gusto ka ng tao or kung mahal ka ng tao, hindi mo kailangang habulin . Hindi mo kailangang ipilit at ipagsiksikan ‘yung sarili mo," matud pa sa aktres. Kauban  ni Francine sa maong show sila si  KD Estrada, Ashton Salvador, ug Akira Morishita.  

Xian ug Glaiza sa False Positive

Gipaabot nga ma-busy og maayo si Xian Lim sunod buwan alang sa promosyon sa drama series nila ni Glaiza de Castro nga False Positive.

Dili masukod ang kalipay ni Xian sa dakong proyekto sa GMA-7 nga gihatag kaniya.

Molarga usab ang aktor sa Dubai karong Marso 30 alang sa GMA Pinoy TV Expo kun diin makauban niya sila si Julie Anne San Jose ug Jessica Villarubin.