Paolo: In His Time

CEBU, Philippines — Balik telebisyon si Paolo Bediones, lima ka tuig human siya nibiya sa maong kalibutan aron manimpad sa laing industriya.

Nitungha siya, ug nagbukas og nagkadaiyang negosyo. Apan giangkon ni Paolo ngadto sa PEP Cabinet Files nga kanunay niyang giampo nga mahibalik siya sa telebisyon.Hinungdan nga mapasalamaton siya ug dako ang iyang kalipay dihang gitawgan ni TV 5 news chief Luchi Cruz Valdez ug gitanyagan og trabaho.

"When I got the call from Ma’am Luchi Cruz Valdes of TV5 and was offered the program, I was ecstatic and extremely grateful.”

“For years, I have been praying for the right opportunity to return to television, but I guess God had other plans for me back then,” nagkanayon siya.

Ang show ni Paolo mao ang 30-minute newscast nga “Frontline Sa Umaga” sugod karong Lunes, May 3 sa alas sais sa buntag.

"It will be a fast-paced newscast covering traffic, weather, price watch, health tips, sports, entertainment, and of course, something we always need: Good News.

Sukad nahimong TV host niadtong 1996, mokabat na ngadto sa 30 ka shows ang nahimo ni Paolo, labing sikat niini mao ang Extra Challenge ug Survivor sa GMA7 kaniadto. Katapusang shows nga iyang nahimo sa dayon na niyang resign sa TV5 mao ang Astig  (sports science program], Demolition Job [mora’g Mythbusters], ug Rescue5.

Niining bag-o lang, gipaila ni Paolo ug sa iyang partner nga si Lara Morena ngadto sa publiko ang ilang gisagop nga baby girl.

Ug sa tanang nanghitabo sa iyang kinabuhi, na leksyon siya. "One thing I learned thru the years is this: Everything really happens in His time."

Kontrabida beauty-queens

Mga beauty-queens na gyud ang mga kontrabida sa pipila ka teleserye sa GMA7. Sa First Yaya, kontrabida si Maxine Medina isip Lorraine Prado nga maoy babag nila ni Melody (Sanya Lopez) ug President Glenn (Gabby Concepcion). Sa Owe My Love, naa si Miss Hispanoamericana 2017 Wynwyn Marquez isip Trixie nga kontrabida sa relasyon nila ni Sensen (Lovi Poe) ug Dok Migs (Benjamin Alvez). Sa Agimat ng Agila nga magsugod ugma, 7:15pm, naa si Miss World Philippines 2019 Michelle Dee isip Serpenta nga maoy maghasul nila ni Maya (Sanya Lopez) ug Major Gabriel (Ramon “Bong” Revilla Jr.).

Perteng pungota!

Nisinta sa kalagot si Kris Aquino human may usa ka basher ang nibugalbugal sa iyang anak nga si Bimby sa mismong post niya. Ang basher nagkanayon: “pilantik ng mga daliri.” Matud ni Kris, napul-an na siya sa mga bugalbugal nga ingon niini ngadto sa iyang anak, busa dili na gyud niya palabyon pa ang tanan. "You choose the wrong mom. I look forward to the day I see you face to face," ni Kris pa.

Nanghatag og bisikleta; mobalhin og puyo

Nanghatag og unom ka bisikleta ngadto sa unom niya ka loyal followers si KC Concepcion isip pagsaulog sa iyang 36th birthday. Kini maoy iyang gibutyag sa online show nga “Grateful Tuesdays.” “Kahit wala po akong party or big celebration, ganito ko po ako mag-celebrate. Na-inspire po talaga ako na kahit walang big celebrations, walang pa-party ganyan. Ang pinaka-meaningful po is makasama ang family and also ‘yung ganito pong pag-give back sa community.” Gitakda sab siya nga mobalhin og balay human sa 18 ka tuig nga nagpuyo sa usa ka condo. Niadtong April 7 ang 36th birthday ni KC.

Restaurant ni Dimples

Dako ang pasalamat ni Dimples Romana ngadto sa tanang nisuporta sa iyang restaurant nga gibuksan didto sa Singapore sa nilabay nga semana. Ginganlan kini og Alegria, non-traditional Latin-American cuisines ang pambato sa maong restaurant sa 36-year old actress. "The past week has been a blast as our Team Alegria in Singapore has been experienced and enjoyed by locals and our fellow Filipinos—the food, the ambiance, the drinks," post ni Dimples sa Instagram niadtong Miyerkules.

Showbiz na si Philmar

Gisulod na sa partner ni Andi Eigenman nga si Philmar Alipayo ang showbiz. Kini human siya gipaila sa Viva Artist Agency isip labing bag-o nilang talent niadtong Miyerkoles. Si Philmar giisip nga usa sa labing maayo nga surfers sa nasud human siya nidaog sa Philippine Surfing Championship Tour men's division niadtong 2017. Kasamtangan nga aduna siyay 375,000 followers sa Instagram ug dul-an 400,000 followers sa iyang Facebook page.