Relationship Lesson

Gideklara sa singer nga si Elha Nympha nga okay na gyud siya human sa break-up nila ni Brian Gazmin. Nagdumili na siya pagbutyag sa rason nganong nagbuwag sila dihang gipangutana atol sa iyang paglugwa sa Magandang Buhay niadtong Biyernes. Niingon hinuon si Elha nga dili siya maoy rason sa break-up. Kun aduna man gani siyay nakat-on sa maong relasyon, kini mao nga kinahanglan dili ililong sa usag-usa ang unsa may reaksyon sa pamilya kabahin sa relasyon ug nga angayan nga hashasan unsa og maayo ang isag ka habig sa dili pa muhukom nga musulod og relasyon.

Newest Viva Talent

Viva Artist na si Baron Geisler human nipirma og management contract niadtong Biyernes. Si Baron kanhi sakop sa Star Magic. Nasulod siya sa showbiz pinaagi sa Ang TV kaniadto. Nalakip siya sa Star Circle Batch 5 nga gilusad niadtong 1997, diin kadungan niya sila si John Lloyd Cruz, Shaina Magdayao ug Bernard Palanca.

Weight loss secret

Niubos ang timbang ni Melissa Ricks basi sa latest pictures nga iyang gi-upload sa Instagram bag-ohay lang. Giulohan og October vs. December, tataw nga nigamay ang kanhi Star Circle Quest runner-up. Suma pa niya, ibutyag unya niya ang iyang gibuhat gawas sa diet ug healthy lifestyle. Kahinumduman nga pipila ka bulan ang nilabay gibash si Melissa sa netizen kay niburot matud pa og maayo iyang lawas.