Conversations
CEBU, Philippines — Daghan kanato ang mga mauwawon. Mahadlok mobuka sa atong mga baba kun naa sa daghang mga tawo. Dili makig-istorya, kay lagi mauwaw. Gawas pa, gipasidan-an sab kita sa dili pagpakigsulti sa mga tawo nga dili nato kaila.
Apan, kun nitambong kita og kalihukan, diin ang tanang nisalmot dili nimo kaila, apan sila makatabang sa imong paglambo, wala gyud kay choice, kundili ang makig-istorya. Mapugos gyud ka. Apan unsaon man nga mauwawon man gyud ka ug dili ka makamaayo mosugod sa istorya?
Aniay pito ka tips gikan nga among nahagdaw:
1. Sugdi sa Hi o Hello!
Kana ra. Pag-hi sa imong katupad or kaatubang. Paningkamuti nga madasigon ang imong paglitok og hi. Energy, energy, energy, baby! Pahiyom.
2. Pangutana.
Kanang pangutana nga medyo personal. Example: Taga diin manka? Minyo naka? Kumusta imong trabaho? Kanang mga pangutana nga dili na sila maghunahuna og unsaon pagtubag kay kamao kaayo sila unsay itubag.
3. Ayaw'g kontraha.
Kun muingon imong kaistorya nga ganahan siya'g beach, ayaw siyag supaka pinaagi sa pag-ingon nga dili ka ganahan kay bukid imong gusto. Ayaw patya ang istorya. Ayaw'g supaka.
4. Dayga siya.
Kanang tininuod.Dili charchar. Kun nindot siya'g smile, say it. Kun humot siya, say it. Kun nindot iyang lipstick, sultihi.
5. Kutloa iyang panahom.
Yes, pangutan-a unsay iyang opinion. Pero dili sab kanang heavy ang topic ha. Kanang simple lang nga dili siya ma strong. Example: Unsay imong ikasulti sa weather karon? Nindot ba ibutang sa sulod sa balay ang badjang nga tanom?
6. Focus.
Kun nag-istorya mo, ayaw pagkuri kuri diha'g lain. Eye to eye contact is a bestseller. Ayaw og punay og kudkod sa imong cellphone samtang nagtabi imong kaistorya.
7. Make them feel important.
Timan-ilang ngalan, pinuy-anan ug mga paborito. Isingit ni samtang nagpadayon inyong panag-istorya. Example: Diba ganahan manka'g tablea, Dref? Or, sa Surigao ba, nindot ang beaches no?
- Latest
