Anniversary message
CEBU, Philippines — Gikilig og maayo ang fans ni Andi Eigenmann gumikan sa anniversary message niini ngadto sa iyang hinigugma nga professional surfer nga si Philmar Alipayo . “I made the best decision to choose happiness above all else. I am grateful for the life I have (and am able to give my kids), with you in it, it wouldn’t be the same. Thank you for always making me feel like I am on top of the world. Happy anniversary my mahal!,” suma pa sa IG post ni Andi.
Nagkalig-ong relasyon
Malipayong gisaulog nila ni Andre Brouillette ug Lou Yanong ang ilang 15th monthsary. Nasayran nga nag-uban ang duha sukad pag-lockdown. Nailhan sila sa kadaghanan isip “LouDre” sa dihang nisalmot sila kaniadto sa Pinoy Big Brother.
Ikaw na Ion!
Malipayon si Ion Perez gumikan kay nagbaha gyud ang subscribers sa iyang YouTube channel.Nakadawat siya og Silver Play button gikan sa YouTube. “Maraming maraming salamat po unang una sa #youtube at sa mga nag subscribe sa channel ko at sa mga nanood at nag like mahal na mahal ko po kayo,” suma pa ni Ion..
Wala’y ideya
Gitataw ni Willie Revillame nga wala siya’y kalibutan sa giingong pagbalik ni Kris Aquino. Nihatag usab siya og katin-awan sa taho nga mag-uban sila sa usa ka show.
“Wala akong alam tungkol du’n. Wala kaming pinag-uusapan tungkol sa show na gagawin niya. Hindi naman kami regular na nagkakausap ni Kris, e!,” matud pa ni Willie.
Wala kaantos
Giyawyawan ni Ryan Agoncillo ang iyang basher nga sige og tira kaniya . Usa sa nakapasuko ni Ryan mao ang pag-apil og bash niini sa iyang sa iyang pamilya.
Sige og luto
Tungod sa community quarantine , nasuwayan gyud sa Kapamilya actor nga si Xian Lim ang abilidad niya sa pagluto. Suma pa sa aktor nga nalingaw ra gyud siya sa pagluto sa mga paborito niya nga pagkaon.
Nagkita na gyud
Human sa kapin 100 ka adlaw nga layo sa usag-usa , nagkita na gyud og balik ang magtiayong Heart Evangelista ug Chiz Escudero. Kahinumdoman nga naabtan si Heart og lockdown sa kaulohan . Nagsilbing gobernador si Chiz sa Sorsogon.
Paglikay sa bashers
Gibutyag ni Richard Gomez nga dili gyud mapugngan ang pag-atake sa bashers. Mapungot siya usahay niini, busa iya nalang kini dedmahon aron walay samok.
Digital harana
Tungod sa pandemya, taod-taod na gyud nga wala magkakita ang mag-uyab nga sila si John Manalo ug Erika Rabara. Isip pagsaulog sa ilang monthsary , gidalitan ni John og digital harana ang iyang uyab. Gikanta sa aktor ang “Fly Me To The Moon” .
Kasal gisugyot
Nagkalig-on ang relasyon nila ni Luis Manzano ug Jessy Mendiola ug dili matud pa tinoud ang tsismis nga nagtakilid ang ilang relasyon.
Kasagaran sa ilang fans ang nilenggua nga kasal nalang ang kulang sa duha.
- Latest