VP Leni gisurpresa ni Enchong

CEBU, Philippines — Gisurpresa sa Kapamilya actor Enchong Dee si Vice President Leni Robredo pinaagi sa pagpadala sa buhatan niini og mga pagkaon ug medical supplies alang ngadto sa frontliners nga nakigkumbati sa COVID-19 pandemic.

Giingong kalit lang nibutho sa opisina ni VP Leni ang aktor bitbit ang donasyon niini. Gipaambit kini sa bise presidente pinaagi sa Facebook.

"Biglang nag-appear sa office ngayong hapon, mag-isa. May dalang mga PPEs para sa frontliners at pagkain para sa volunteers. Mabuhay ka, Enchong Dee," sigon pa ni Robredo.

Kahinumduman nga sukad nibutho ang COVID-19  crisis sa nasud, nipadangat si Robredo og suporta ngadto sa  frontliners sama sa pagpanghatag og pagkaon, ug medical supplies , pagtanyag og kapuy-an ug libreng transportasyon alang niini.

Nagsuwat og praise and worship song

Gi-release na dili pa lang dugay ang bag-ong kanta nga ginama ni Ogie Alcasid .

Usa kini ka praise and worship song nga mohatag og inspirasyon sa mga tawo bisan paman sa mga pagsulay nga giatubang niini karong panahona.

Ang maong awit nag-ulohan og “Live for Jesus” ug nalakip usab niini sila si Regine Velasquez, Jaya ug ang  partner niini nga si Gary Gotidoc.

“It is my hope and prayer that this song inspires us to keep believing that despite the crisis, we will survive this. Jesus is our answer. It is also during these times that we are weak when our savior is strongest. How His grace is sufficient for us,” suma pa ni Ogie.

Sa pagsuwat ni Ogie sa maong awit , napanaminan niya ang Bible verse 2 Corinthians 12:9.

Pabor sa martial law

Mopabor matod pa ang aktres ug karon Longos, Malabon barangay captain Angelika dela Cruz kun ugaling ipaubos sa  martial law ang nasud."Yes. Martial Law is good thing for the time being (habang may COVID-19). Sa nakita ko kasi bilang kapitana, maraming Pinoy ang kulang sa disiplina,"sigon pa ni Angelika.

Nakahinumdum ni Rustom

Nakahilak si BB Gandanghari samtang naghinumdum sa iyang kagahapon isip Rustom Padilla. Kini atol sa  pakighinabi niya sa netizens sa gihimo niyang Live Instagram video samtang naa sulod sa iyang panimalay didto sa Los Angeles, California."Naalala ko si Rustom, naiyak ako. Echos!  Ano ba yun! Hindi pa nag-uumpisa, iyak na. Wala akong gusto balikan.Ang sinasabi ko lang, that guy is a good guy. Si Rustom ang nagparaya para magkaroon ako ng sariling buhay,"sigon pa niini.

Proud sa mga Pinoy

Gipasigarbo sa former actress nga si G Tongi-Walters ang 'bayanihan spirit' o pagtinabangay sa mga Pinoy sa panahon sa krisis.  Nahinabi dili pa lang dugay si G sa ABC7 Morning Show. Gi-interview si G Tongi isip marketing director sa online grocery shopping sa mga pinoy didto sa Amerika. "We really want to instill the spirit of bayanihan, and that's a Filipino word, which means the indomitable spirit and resiliency of the Filipino at this time,"asoy pa niini.

Nangunay og andam

Nagluto og mga pagkaon alang sa mga frontliners ang Kapamilya host-comedian  Vhong Navarro ug ang asawa niini nga si Tanya Bautista. Gipaambit nila ilang hinabang pinaagi sa non-profit group nga gimugna sa It’s Showtime host kauban si Bea Alonzo ug ubang mga higala.“Para sa ating mga frontliners mula po sa @iamhope_org. Cooked with love by @t.winona Thank you, Mahal,”post pa niini sa Instagram.

Happy ang fans

Gikilig ang solid fans nila ni Marvin Agustin ug Jolina Magdangal human nagkauban ang ilang mga idolo  pinaagi sa live video diin nagkatsika ang duha. Pipila ka netizens ang nangutana kung kanus-a sila magkauban og balik sa usa ka proyekto. Kahinumduman nga niadtong 2018 ,unang nabalita nga adunay  reunion project silang Marvin ug Jolina apan hangtod karon wala pa kini nahitabo.

Sayo nilihok

Gipaambit sa kanhi aktor ug karon Ormoc City Mayor Richard Gomez ang rason nganong wala gyu'y bisan usa nga natalang kaso sa COVID-19 sa ilang syudad. Giasoy niini nga sayo sila nanira sa boarders sa ilang syudad. “We closed our borders very early on. We started closing our border on March 13. It’s been over a month already since the time we closed it. We’ve been very strict in allowing people to enter Ormoc City,"asoy pa niini ngadto sa ANC.

Sunod tuig na

Gisibog ang petsa sa pagpasalida sa upcoming superhero film nga 'The Batman' nga gibidahan sa English actor Robert Pattinson ,kini human naundang ilang shooting tungod sa COVID-19 pandemic. Imbis nga makita kini karong Hunyo, mapasalida na kini karong Oktobre 1, 2021.

Earth Day warriors

Nagkahiusa ang 50 ka mga Pinoy Earth Day warriors alang sa paghatag og importansiya sa pag-atiman sa kalikupan , kini atol sa 50th anniversary sa  Earth Day kagahapon. Pinaagi sa tagsa-tagsa nila ka social media accounts, nagpaabot ang pipila ka mga personalidad sa pagsuporta sa maong kawsa. Pipila sa mga celebrity earth warriors mao silang Piolo Pascual, Dingdong Dantes, Iza Calzado. Joel Torre, Janine Gutierrez, ug uban pa.

Skin care tips

Gipaambit sa Australian singer Troye Sivan ang n skin care routine niini samtang natanggong sulod sa balay sa Melbourne  tungod sa quarantine taliwala sa COVID-19 pandemic. Nihatag kini og tips kung unsaon pag-shave ug gipaambit sab niini ang mga produkto nga iyang gigamit.

Padayon ang pagtabang

Padayon ang pagpanghatag og P1,000 ang Kapuso star Maine Mendoza ngadto sa mga hilabihang naglisod nga mga Pinoy tungod sa COVID-19 crisis. Gipahibalo kini ni Rams David sa Triple A. Hapit usa ka buwan na nga nanghatag og hinabang si Maine ngadto sa mga kabos.