Sabay sa uso

CEBU, Philippines — Gikanta ni Manilyn Reyes ang official soundtrack sa sikat nga Korean series nga 'Crash Landing on You' nga 'Sunset.' Giupload niya kini ngadto sa Instagram. Gidayeg sa netizens ang tingog ni Manilyn ug niabot dayon kini og kapin sa 42k views. “Annyeonghaseyo! Ito na, para sa sa ating mahihilig sa K-drama. Subok lang, hihi," post pa ni Manilyn

Gisapot sa qurantine pass

Nagyawyaw sa social media ang aktres nga si Celeste Legaspi, kini human wala tugoti ang iyang katabang nga makapalit og isda sa ilang merkado kay dili matod pa pangalan niini ang gisuwat sa gidalang quarantine pass. Gipasabot sa aktres nga pangalan sa iyang bana ang nakasuwat sa Q-pass apan dili na kini pwede makagawas kay 80 na ang pangidaron niini.

Dili kasabot

Nakita matud pa sa aktres nga si Angelika dela Cruz nga supakiro ug gahi gyud og mga ulo ang ubang Pinoy.  Obserbasyon matod pa niya kini isip kapitan sa barangay Longos sa Malabon City."Makulit pala ang Pinoy. Matitigas ang ulo. Kasi marami ang matigas ang ulo, maraming hindi sumusunod,"butyag pa sa singer.

Kilig comment

Gikilig ang netizens sa gibiling komento sa  travel editor-entrepreneur nga si Jeremy Jauncey  sa gi-post nga sexy photo  ni Miss Universe 2015 Pia Wurtzbach sa Instagram account niini. Ni-comment kini og  "beautiful" sa maong hulagway ni Pia. Dugay na nga gidungog nga adunay relasyon ang duha apan wala pa kini kompirmasyon gikan nila.

Dili na havey?

Gitubag sa komedyanteng si Ethel Booba ang bashers sa bag-o niyang  Twitter account. Giingnan kini nga wala'y lami ang joke niini sa Twitter kalabot sa pag-ilis sa secretary sa Department of Health sa nasud."Uy dati havey ako bigla ka naman nagbago bess,"sigon pa ni Ethel.

Birthday message

Ni-post  sa Instagram og sweet birthday message ang vlogger-actrees nga si Alex Gonzaga alang aa hinigugma niini nga si Mikee Morada. Giubanan niya kini og throwback photo nilang duha.  "Thank you for making me feel what it really is to be in a relationship! You will always be my first and by God’s grace last true LOVE. Happy birthday Mikee and may God bless your heart more!" tipik pa sa mensahe ni Alex.

“Praise you Jesus!"

Nagpasalamat ang Kapamilya singer nga si Jaya nga niarang-arang na ang sitwasyon sa iyang bana nga si Gary Gatidoc ,kini human naospital tungod sa mild-stroke. “Praise you Jesus!!! You are my rock and my healer. My husband has been cleared and we will be going home.  I thank God that you are still whole and with us,"post pa sa singer sa Instagram.

Gisapot na!

Nipagawas sa iyang kasagmuyo ang aktres ug businesswoman nga si Vivian Velez ngadto sa ubang pinoy nga padayong nagtapok-tapok taliwala sa gipahigayon nga enhanced community quarantine.Importante matud pa ang pagpuyo sa panimalay karong panahona  aron malikayan ang pagtaas sa kaso sa COVID-19. “If we cannot control these kind of crowds, might as well lift the ECQ. Close the hospitals for Covid 19 cases. Matira matibay nalang. Tutal marami ang hindi sumusunod sa ECQ,” butyag pa ni  Vivian.

Excited sa unang liwat

Naghinam-hinam na kaayo matod pa ang Kapuso actor nga si Carlo Gonzalez nga makita na ang gisabak nga batang lalaki sa iyang asawa nga  si Luane Dy. Gipaambit ni Carlo sa iyang Instagram Story ang hulagway sa pagbisita sa doktor ni Luane ngadto sa ilahang balay. "Almost there... Can't hardly wait!"caption pa sa aktor.

Gimingaw sa trabaho

Giasoy sa Kapuso actress Lovi Poe nga gimingaw na matod pa kaayo siya sa iyang trabaho isip artista. Tungod sa gipahigayong  community quarantine sa tibuok Luzon, giundang una ang shooting sa mga telerye ug mga pelikula."Miss shooting and going to WORK so much," sigon pa sa aktres.