Sweet video message
CEBU, Philippines — Gibayaw sa kakilig ang Kapuso actress Lovi Poe sa gipadala nga sweet video message sa iyang British boyfriend nga si Monty Blencowe nga gipaagi sa Money Heist actor Enrique Arce.
Gawas nga gikilig ang 31 anyos nga aktres ngadto sa mensahe sa uyab, gibayaw sab kini sa kalipay kay ang iyang idolo nga si Enrique mismo ang naghatag sa maong sweet nga mensahe.
Gidala ni Enrique ang karakter nga Arturo "Arturito" Roman sa sikat nga Netflix series nga Money Heist.
Nakita matod pa ni Lovi ang maong mensahe pagmata niya sayo sa buntag.
“I woke up to this. Better than flowers or chocolates, Bubba! [heart emoji] Swipe left! [screaming face emoji] @montyblencowe @lacasadepapel @enriquearceactor,”post pa niini sa Instagram.
Usa ka Los Angeles-based British movie producer ug medical scientist ang uyab ni Lovi nga si Monty.
Namalihug matod pa kini ngadto sa Spanish actor nga si Enrique nga maoy mosulti sa mensahe niini ngadto sa Kapuso actress nga uyab.
Sa maong video, gi-introduce una ni Enrique ang iyang kaugalingon.
“Hey, how are you, Lovi? This is Enrique Arce. Arturito in Money Heist. La Casa de Papel. Yeah, that character that you love so much. You know why I know that? Monty told me,”asoy pa ni Enrique.
Dayon giasoy niini nga gimingaw na matod pa si Monty ngadto sa aktres.
“He said that he loves binge-watching the show with you. And he misses you a lot. He wants to see you soon more than he wants to see La Casa de Papel 5. Make a note of that.
All right, Lovi? Big kiss. Bye,”sigon pa ni Enrique.
Gipaambit dayon ni Lovi ang maong video message pinaagi sa Instagram.
"A MILLION MILES AWAY YET YOU NEVER FAIL TO MAKE ME FEEL KILIG... I MISS YOU TOO,"mensahe pa ni Lovi sa uyab nga si Monty.
- Latest
