Nagsagol ang emosyon

CEBU, Philippines — Gipaambit sa Popstar Royalty Sarah Geronimo nga dili matod pa malipayon kaayo ang banang si Mateo Guidicelli sa pagsaulog sa ika-30 nga adlaw'ng natawhan niini  tungod sa giatubang sa kalibutan nga COVID-19 crisis. "Sabi nga niya sa akin, 'Love, parang hindi ko matawag na happy ang birthday ko,' kasi talagang nadudurog ang puso niya sa mga nababasa niya, naririnig niya na balita sa mga nangyayari, especially sa mga kababayan natin na helpless talaga,"paambit pa ni Sarah.

PUI ang pamilya

Gilugwayan ang 14-day quarantine sa TV host nga si Ruby Rodriguez uban sa banang si Mark Aquino ug kamanghuran nga anak nila. Giisip na nga Persons Under Investigation (PUIs) ang  tulo human namatay sa COVID-19 ang igsoong doctor ni Ruby nga si Dr. Sally Rodriguez-Gatchalian.

Walay permiso

Nanghangyo ang manager ni Iza Calzado nga si Noel Ferrer nga tangtangon ug hunongon na ang pagkatakap sa video sa aktres nga naa sulod sa ospital. "There’s a lesson to be learned here—GOOD SENSE. Sound judgment dictates that one should be able to discern what is personal from what is for public consumption. Please take those videos down, they are not yours and you don’t have permission!"sigon pa niini.

First baby

Nanganak na ang vlogger nga si Mich Liggayu ug  babaye  kini. Ginganlan  niya ang maong bata og Anastasia Margaret. Mao kini ang labing unang anak nila sa singer-boyfriend nga si Neo Domingo.

Nitabang sa mga naapektohan

Nikanta ang Broadway Diva Lea Salonga og “Reflection” sa  online edition sa The Rosie O’Donnell Show ,kini aron  makapatapok og hinabang alang ngadto sa mga artista sa theatre nga walay income karon tungod sa COVID-19 pandemic. Giimbitar siya mismo sa host sa maong show nga si American comedian Rosie O’Donnell.

Nisayaw sa elevator

Ni-perform ang grupong SB19 sa awit niini nga "Alab" sulod sa elevator sa Philippime Entertainment Portal .Nahitabo kini sa ilang  pagbisita sa maong opisina .

Ang maong grupo gilangkuban nilang Ken, Justin, Josh, Stell, ug Sejun. Ni-perform sab sila og awit nga "Tilaluha."

Giuswag ang concert

Gipahibalo sa Big Hit Entertainment nga giuswag nila ang  ‘Map of the Soul’ tour sa K-Pop group nga BTS  tungod sa COVID-19 pandemic.“We will continue to place the highest priority on the health and safety of our artists and fans and do our utmost to keep the promises we made to our fans,” sigon pa sa official statement sa  Big Hit.

Indoor pool

Gipaambit sa komedyanteng si Jayson Gainza ang creative niya nga pamaagi sa pagkaligo sa pool.

Nihimo kini og ‘indoor pool’ imbis nga moadto og dagat para molangoy. "Mag-swimming na lang kayo sa likod ng inyong bakuran. Wag na pong lalabas dahil baka magkaroon pa ng coronavirus at mahawaan pa ang inyong mga mahal sa buhay,"sigon pa niini.

Tabang sa Isko, Iska

Nanghatag og pagkaon ang beauty queen nga si Shamcey Supsup ngadto sa mga tinun-am sa Universitu of the Philippines nga nagpuyo sa  UP dormitory.

Natanggong ang mga tinun-an sisto tungod sa  gipahigayon nga enhanced community quarantine. Kahinumduman nga gradwado sa UP si Shamcey isip magna cum laude sa kursong Architecture.