Gipaeksena dayon

CEBU, Philippines — Aduna na dayu’y eksena sila si Lovi Poe ug Benjamin Alves sa unang adlaw pa lang sa taping sa “Owe My Love”. Matud pa sa duha nga naglisod sila gamay sa ilang mga eksena tungod kay lahi gyud ang comedy sa ilang naandan nga drama.

Isabela

Gilusad ni Miss Multinational Philippines 2019 Isabella de Leon ang iyang kaugalingon nga lipstick line nga “ISABELLA”. Matud pa nni Isabella nga haum gyud nga karong buwan kini niya gilusad gumikan kay gisaulog sab karon ang Women’s Month.

Mel, ni-renew sa kontrata

Mi-renew sa kontrata ang gilla nga GMA News pillar ug multi-awarded broadcast journalist nga si Mel Tiangco sa Kapuso network. Dako ang iyang pasalamat sa maong network sa pagsalig nga gihatag niini ngadto kaniya. “Walang sawa ang aking pagpapasalamat sa GMA dahil sa mahigit dalawang dekada naming pagsasama ay walang sawa rin ang mabuting pakikitungo nila sa akin. And I always thank the Lord na patuloy akong binibigyan ng lakas upang makapagsilbi at makapagbahagi ng aking kakayahan sa mga Kapuso. I hope and pray na magtuloy-tuloy pa ang pagtitiwala at pagmamahal nila sa akin sa mas marami pang mga taon,” matud pa sa beteranon broadcaster.

Sophomore album

Ilusad ni Nadine Lustre sa dili madugay ang iyang sophomore album. Nakakontra si Nadine sa Careless Music nga mao ang recording label nga gipanag-iya sa iyang kanhi karelasyon nga si James Reid.

Gihagit og duwa

Gihagit ni Robi Domingo ang iyang non-showbiz girlfriend nga si Maiqui Pineda sa usa ka basketball match. Gipasigarbo ni Robi nga usaka basketball varsity player ang iyang girlfriend sa dihang anaa pa kini sa high school.

Pakpak kang Cat

Pakpak gyud si Martin Nievera sa katalentado ni Miss Universe 2018 Catriona Gray. Nagsawo sa “ASAP Natin To” stage ang duha alang sa usa ka production number. Nakita ug nadungog gyud ni Martin nga kamao gyud ang beauty queen modala sa iyang kanta. Tambag pa niya nga unta magpadayon kini og kanta ug mohalad og maayong awit ngadto sa uban.

Hangyo nga dili una papicture

Nanghinaot si Bela Padilla nga unta makasabot lang unta ang fans nga dili una kini magpapicture tungod sa makaalarma nga COVID-19. “I hope everyone understands when we refuse photos for the time being. I was shocked yesterday while at the grocery with my mom, a lady who seemed very kind approached and took her mask off and wanted my mom to take her photo with me. I understand the excitement but safety first”, padayag pa niya sa iyang Twitter.

Tutok kang dahlia

Tutok gyud sila si Anne Curtis ug Erwan Heusaff sa ilang anak nga si Dahlia Amelie. Anaa sa Australia ang magtiayon ug kun asa sila manglaag, kanunay nga dala ang ilang unica hija.