Anak ni Isko may Sunday show na
SCENE: Kasama sa regular performers sa All Out Sunday si JD Domagoso, ang aspiring actor na anak ni Manila City Mayor Isko Moreno. Malaki ang maitutulong kay JD ng All Out Sunday para mahasa ang kanyang talent at matupad ang pangarap niya na masundan ang yapak sa showbiz ng ama.
SEEN: Sina Alden Richards, Julie Anne San Jose at Miguel Tanfelix lamang ang mga pioneer ng Sunday PinaSaya na kasali sa All Out Sunday. Wala sina Ruru Madrid at Bianca Umali samantalang nauna nang magpaalam si Miguel sa Sunday PinaSaya bago ito nawala sa ere.
SCENE: Si Miguel Tanchanco ang television director ng All Out Sunday. Si Miguel ang direktor ng Studio 7 at dancer din siya tulad ng kanyang nanay na si Geleen Eugenio.
SEEN: Active na uli sa social media ang nanay ng aktor na gumagamit ng fake accounts para ipagtanggol ang kanyang anak na madalas na nasasangkot sa mga kontrobersiya. Kailangan ng protective mother na depensahan ang kanyang anak dahil ito ang breadwinner ng kanilang pamilya.
SCENE: Sina Arra San Agustin, Jason Abalos at Jelai Andres ang featured guests sa No Kiss, All Tell episode ng Dear Uge na mapapanood ngayong hapon pagkatapos ng All Out Sunday.
SEEN: Matapos mapanood sa blockbuster movie na Miracle in Cell No.7, magbibida uli sina JC Santos at Bela Padilla sa On Vodka, Beers, and Regrets ng Viva Films. Mapapanood ang On Vodka, Beers and Regrets sa February 5, 2020.
- Latest
