Mitabang og promote

CEBU, Philippines — Sa latest  Instagram post ni   Julia Montes,  gi-promote niya ang pelikula ni Coco Martin sa Metro Manila Film Festival 2019 nga  ‘3Pol Trobol’. Kauban ni Coco maong sa pelikula sila si Jennylyn Mercado ug Ai Ai delas Alas.   Hagbay ra nga gidungog nga dunay relasyon sila si Julia ug Coco. Wala  pa motingog ang duha kalabot sa tsika nga duna na sila’y anak.

Natagak sa listahan

Natangtang na ang  pelikulang Verdict sa shortlist sa  International Feature Film (formerly Foreign Language Film) Category sa 92nd Annual Academy Awards / The Oscars.Ang maong pelikula gi-produce sa  Center Stage Productions ni 2009 Cannes Best Director Brillante Mendoza.Gibitoonan kini nila ni  Max Eigenmann, anhing Kristoffer King, Jorden Suan ug  Rene Duria .

Molugwa sa Probinsyano

Pipila ka   Hollywood actors ang gikatahong mosulod sa teleserye sa ABS-CBN na  Ang Probinsyano.  Suma pa sa bida niini nga si Coco Martin nga angayan kini atangan sa suki nila nga viewers .

Nagkahanap nga relasyon?

Nitumaw ang tsika nga matud pa nagtakilid ang relasyon  nila ni  Javi Benitez ug  Sue Ramirez.   Hagbay ra nga gidungog nga dunay relasyon ang  duha apan nagpkahilom lang kini.

Gisaaran na

Tsika pa ni  Liza Soberano nga si  Robi Domingo gyud  ang himoon niya nga  host kun maabot na ang panahon nga kaslon na siya.   Nasayran nga nagkalig-on og maayo ang relasyon nila ni  Liza ug Enrique Gil.

Season 3

Giingong makabaton og season 3  ang  The Clash sa GMA-7  gumikan kay maayo ang feed back sa latest season niini. Kahinumdoman nga si Jeremiah Tiangco maoy champion sa ikaduhang season sa maong show.

Hapit na sugdan

Giktahong sugdan sa first quarter sunod tuig  ang umaabot nga show sa GMA-7 nga  “Ang Anak ni Waray vs Anak ni Biday” . Matud pa mao kini ang ihulip inigkahuman sa  Beautiful Justice . Base kini sa 1984 movie sa  Regal Films .

Kever lang

Wala panumbalinga  ni Ricci Rivero ang  indecent proposals  nga iyang nadawat.  Suma pa ni Ricci nga naka-focus siya sa iyang trabaho ug wala siya’y plano nga mopatol sa maong  butang.

Babaye ang anak

Babaye ang umaabot nga anak nila ni Anne Curtis ug  Erwan Heussaff .  Gipahibalo kini sa magtiayon sa ilang  mga Instagram account.

Paneguro

Gitigoman na og sugod ni Jake Cuenca ang kasla nila ni Kylie Verzosa.   Matud pa ni Jake nga mahimo kini nga motibasyon  aron maseguro niya nga si Kylie na gyud ang babaye nga iyang pakaslan puhon.

Andam ra

Bukas  ra ang ang aktres nga si Judy Ann Santos sa posibilidad  nga ipakita  ang iyang anak  Yohan ngadto sa  biological parents niini.  Suma pa ni Juday nga iyang irespeto ang katungod ni Yohan kun pananglitan ganahan kini makakita sa   ginikanan niini.