Emosyonal sa pagpangandam

CEBU, Philippines — Daghan ang nakugang sa Instagram post ni Paolo Valenciano kabahin sa iyang amahan nga si Gary Valenciano kinsa emosyonal nga nagplano alang sa iyang katapusang major concert nga mahitabo karong Abril 2020. Tungod sa nagbaha nga komento, dali nga giklaro ni Paolo nga mao kini ang katapusang solo major concert  sa iyang amahan. Nagpangidaron na og 56 anyos si Gary ug prayoridad na kini ang iyang panglawas human mipaubos og bypass surgery.

Bukas sa tanan

Dili imposible alang kang Vic Sotto ang makauban si Vice Ganda sa usa ka pelikula sa Metro Manila Film Festival. “Open ako sa lahat, basta sa ikagaganda ng takbo ng Pelikulang Pilipino e open ako,”, suma pa ni Vic.

Wala gipanguyaban

Gitataw ni Kakai Bautista nga wala gyud sila magkarelasyon sa Thai star nga si Mario Maurer kaniadto. Matud pa niya nga nagbinayluay lang sila og “I love you” apan wa gyud kini pormal nga nanguyab kaniya. Gani, kalit lang sab kini nga wala na nagparamdam.

Malampuson ang operasyon

Malampuson ang nahitabong operasyon ni kanhi PBB housemate Fumiya Sankai sa Japan. Kahinumduman nga miaging semana mideklara kini nga adunay buslot ang iyang baga.

Gilingaw ang mga helper

Mipasundayag si Piolo Pascual alang sa mga kugihan nga mga househelpers sa Makati City niadtong Biyernes sa gabii. Gilingaw gyud niya ang tanan nga mitambong pinaagi sa pagpakigduet niini ug pagharana sa mga nanay.

kontrabida na

Gibutyag ni Jose Manalo nga unang higayon niya nga mahimong kontrabida sa usa ka pelikula nga “Mission Unstopabol: The Don Identity “, nga usa sa entry sa MMFF 2019. Kaniadto, usa ka sidekick ang iyang mahimong karakter kun makauban si Vic Sotto sa mga proyekto apan karon lahi na. Matud pa ni Jose nga nagsagol gyud ang iyang gibati nga kakulba ug kalipay sa matag higayon nga aduna na kaniya ang spotlight.

“I believe in destiny”

Tinguha gyud ni Miss World Philippines 2019 Michelle Dee nga maangkon gyud ang ikaduhang korona alang sa Pilipinas. Ulahi nga naangkon ang maong titulo niadto pang 2013 kun diin di Megan Young mao ang nakalangkat. “I believe in destiny. I believe in trying my best and hopefully my best is good enough”, suma pa ni Michelle.

gikantahan samtang nagbati

Gi-upload ni Kylie Padilla sa iyang Instagram ang usa ka video kun diin gikantahan siya ni Aljur Abrenica samtang siya nagbati niadtong hapit na siya manganak.

Idol si Alden

Giangkon ni Smokey Manaloto nga giidolo gyud niya si Alden Richards. Matud pa ni Smokey nga anaa gyud sa iyang talaan si Alden nga tinguha gyud kini niya nga makatrabaho kaniadto pa. Si Smokey ang labing bag-ong cast sa The Gift teleserye ni Alden sa GMA7 primetime.

Andam na manganak

Tsika pa ni Solenn Heussaff nga andam na siya nga manganak. Matud pa ni Solenn nga anaa lang siya sa panimalay ug nagtan-aw og TV ug magbasa og libro samtang gihuwat kun kanus-a siya magbati.