Cesar Apolinario mipanaw

Mipanaw  kagahapon ang award-winning broadcast journalist sa  GMA-7 nga si  Cesar Apolinario sa edad nga  46.

Naghambin  og sakit kaniadto  nga  lymphoma o cancer sa iyang  lymphatic system si Apolinario.  Niadtong  November 12, nalandig siya sa tambalanan gumikan sa  sepsis ug pneumonia

Nagsugod  si Apolinario sa iyang  career sa media  niadtong 1998 human siya nakahuman sa kursong  Communication Arts sa  University of Santo Tomas.

Naugsugod siya isip researcher ug  cameraman sa “I Witness.”  Ang latest  program niya sa  GMA-7 mao ang magazine show nga  “iJuander.”

Kahibalo usab siya mogama og pelikula .  Kahinumdoman nga siya ang  napili nga  Metro Manila Film Fest Best Director alang sa pelikulang  “Banal” niadtong 2008.

Nipadangat usab ang GMA-7 ug pahasubo  ngadto sa pamilya ni Cesar.